بَيِن يَديِك أنا

الجزء 43

أنتَ أحـنّ شـيء لمسنِـي فِـي هـذا العالـمِ القاسِـي!

.
.
.

دخلت ام نور وراها ابو اياد واني صافنة بالوجوه
ام نور: خالة دخيلج سمعينيييي

حضنتني وشهگت ما حسيت الا بدموعها على رگبتي
حضنتها وطبطبت عليها وادموعي ما جاي تنزل وجبل ما يباوع بوجهي داير وجهه مني وورث چكارة وابتعد

: بس ادخلو .. وفهموني شصاير

گوه تطلع الكلمات وام نور ابتعدت عني والوجه احمر والشفة يابسة
: خالة تعاي دخلي عمو اتفضل

دخلو ونور بس تباوع بعيونها واعيونها مورمة والوجهه اصفر باوعت عليها ردت اروح باتجاها الا جبل يحط ايده ورا ظهرها ويمشيها

اتجمعت الدموع بعيوني حسيت گلبي يريد يطلع من مكانه صرت عصبية واني اباوع عليه وهو شافني واني درت وجهي منه

جبل: فاطمة

كض ايدي بالمطبخ ونترتها بقوة لكن دموعي نزلو
ام نور: سمعيني بنيتي سمعينيي الله يرضى عليج

هزيت راسي واني امسح ادموعي
: لا توگعين خالة دتعاي كعدي ونتفاهم

حاولت اكون هادية بس داخلي نار گعدنا وام نور يمي كاضه ايدي وكبالي جبل ونور بصف ابوها يلي ما يباوع بوجها

: كافي چگاير

احجي وياه وعيني ع ام نور يلي تبچي
ام نور: لا تسوين وياه هيج تراه ما اله علاقة والسبب احنا صرنا بالوجه وما قبل تجي علينا حجايه لو على نور

ابو اياد: حاس بيج بنتي وادري بيج ما راح تقبلين بهالوضع بس عايني حالنا شصار بيه

ام نور: ورا ما رحتي كلشي تمام جبنا البدلة وحضرنا الكوشة لنور عمت عيني عليها ما اتهنت (شهگت) صار حجي وناس تجر كلام من ناس الى ان وصلنا البارحة اكو نسوان واصلت يم ام عبدالله  وحاجيات ع نويره ومشوهات سمعتها يم الوادم

ابو اياد: ام نووور ما عاش اليشوهه سمعتها شريفة واصيلة بس اني يسمعوني حجي على بنيتي هذا ابو عبدالله يگلي ماكو قسمة وضال يحجي بالسالفه الى ان خربت وعساها لا صايره

ام نور: حقهم ابو اياد الوادم اذا لا حرمه ولا اثنين وعبدالله خرب الخطوبة وامه لا شافتنا ولا شفناها ومن اجت الشيوخ وصار الحجي على ابو اياد يردون يشلعوه ويرجعون لقاسم اتدخل جبل و.؟

ابو اياد: راد يحلها ما انحلت واني گتله يشهد الله علي گتله اتزوجها گدام الناس وبقيها يمك فترة

ام نور: شوفيها لا بيها ولا عليها شذنبها طعنو بشرفها الما عدهم شرف فاطمة اجينا ويه جبل لان يدري بيج وخايف عليج لان حامل احجي فاطمة رح اموت