بَيِن يَديِك أنا

الجزء 31

إن المفاتِن في عينيكِ مخمرةٌ
في نظرةِ منكِ يَغدو المرءُ سكرانا

///////

زينب : والله العظيم شفتهم بهاي عيني

احلام : صمي حلگج لا تحچين لاي احد فاهمة

زينب : هزيت راسي .. صدگ هالنورة وراها المصايب ما خافت ما گالت شلون حرام عليه وهذا سامر امبين يلعب وياها

احلام: لا يغرج هاي شفتي معدنها شگد قذرة وهيه وسامر يتوالمون چدر ولگا غطاه

زينب : شراح تسوين وياها

احلام: شسوي يعني خلهم نارهم تاكل حطبهم بس هاي زوجة جبل داقتني حيل

زينب : شبيها ما الها حس و..؟

احلام: انتي تسكتين لا امسح بيج الگاع فااهمة

.
.
.

الساعة 10:28 ليلاً مقر العمليات

جبل: عباس تاخذ لؤي وترجعه لبيته وابقا راقب المنطقة ومصطفى باچر نگضه هذا النگس هو وفصيلته اريد كل ارجاء السوق محاصر سامعين علي وياي

علي : ايي سيدي وياك

جبل: كل محل كل شبر انتو موجودين واتوزعوا واعيونكم على لؤي ووالدته الى ان يطلع ماشي

مصطفى : حاضر سيدي

.
.
.

نرجس: دخل نطلع

فاطمة: باوعت عليها وساكتة .. منو ياخذنا ووين نروح

نور: نروح نفتر ناكل نسمع اغاني ها فاطمة شتگولين

فاطمة: خيه اني ذيج المرة ورزلني شلون اطلع وياكم

نور: ايي شنو محبوسة خابري وشوفي شو بالسيارة وما ننزل

فاطمة: على گولتج خل اخابره .. طلعت من غرفتهن رحت لغرفتي وسديت الباب اخذت تلفوني ودگيت .. الو ها حبيبي

جبل: عبااس شسالفه بكوفي احنا سولفو برااا الوو ها

فاطمة: سكتت امبين يمه هوسه وشغل .. شبيك حبيبي شنو هاا

جبل: فاطمة خيررر شبيج ترا روحي طالعه صاير شي ؟

فاطمة: ضجت من اسلوبه .. هاي شبيك انتا بلا اسلوب

جبل: منو البلااا اسلووب شو ما تعرفينن تحجينن

فاطمة: ضل يصيح واني سديته بوجه .. انته بلا اسلوب يممه شو دگ مرة ثانية شبيه شيريد الوو هااا

جبل: بت الكلب تسديه بوجهيييي اني اعلمج بس خل ارجع

فاطمة: رح اطلع اني وخابرتك انطيك علم

جبل: وين ست الحسننن وين موليه ويامن شو بكيفج اني ما الي راي لو ناقص تجين تركبيني

فاطمة: اووي جببل شبيييك شهالاسلوب شنو عبالك تحجي ويه اديان يلا ما اطلع بس خلصني