بَيِن يَديِك أنا

الجزء 46

هي العزاز التتعبك ما يتعبونك غرب

/////////
جبل

فتحت اعيوني راسي مصدع رح ينفجر اشوف الساعة ب 8:34 الصبح اباوع فاطمة يمي بعد وكت خل ننام بعد
حضنتها من ورا الا استغربت من جسمها العاري اتلمست خصرها وابتعدت بسرعة وگمت واني فاتح اعيوني حيل ولبست البنطلون واني اباوع ع نور

جريت شعري بين ايدي فركت اعيوني شفت ملابسها بالگاع انگلبت معدتي ومشيت من جهتها حتى اشوف وجهها يمكن غلطان

شفت وجهها ورگبتها يلي بيها علامات نور گدامي ما اتحملت وطلعت للحمام دخلت بسرعة وصارت بوجهي فاطمة تفرش اسنانها

استفرغت وطعم المرورة صارت بحلگي ضليت اگح وگضيت راسي مثل الطبلة

فاطمة: اسم الله حبيبي سلامات
طبطبت على ظهري واني غسلت

فاطمة: شماكل البارحة شجاك اسم الله تعال غسل

ما اگدر اباوع بوجهها لعبت روحي من روحي
جبل: وين فرشة الاسنان مالتي

فاطمة: بغرفتك هسه اجيبها

گضيت ايدها والخوف دب بصدري لاول مرة
فكرت عدل وباوعت عليها
جبل: لا لا عوفيها كملي علما اني اروح للغرفة

فاطمة: حبيبي بيك شي كول متوجع؟

بست راسها وحضنتها
جبل: لا ما بيه وحضري روحج حتى نرجع

فاطمة: ونور نامت يمك؟

جبل: ها ؟ اي خطيه نامت بلگاع

ضربت صدري بخفة
فاطمة: غير تخليها تنام ع الچرباية وانت بالكاع خطيه

هزيت راسي يلي راح ينفجر واستذكر مقتطفات من البارحة
جبل: رايح اجهز روحي انتي بدلي حتى نرجع

عفتها ورجعت للغرفة وقفلت الباب
جبل: نوور .. نووور

گعدت وهي ترفع الغطى على جسمها واني امشي منا واجي منا
نور: صباح ال.؟

.
.
.

-فاطمة-

اخذ جنطتي ونزلها واني نزلت سلمت على خالة ام نور والجدة ما قبلت ابوسها

الجدة: واصل واصل

اجت نور وجبل وراها شايل جنطته
نور: بيبي رح اشتاقلج

بيبي: تعاي لينا مو تبطين

حضنتها واجه جبل هم باس راسها واجه زكي واسامة يودعون نور

نور: يلا جبل
گضت ايده وباوع عليها وهي ابتسمت واني نار وشبت بيه ما ادري شلون اتحملت

الجدة: عين الحاسد بيها عود يحفظكم الله

فاطمة: جبل يلا وراي دراسة تگضيها سلام