ساحرةٌ قافيةُ التاء لاسيما إنكانت مكسورة تفتح آفاقًا مدبّجةً عزةً وعنفوان ..!
..........🥀..........
#الدكتورة سحر
:زهراء شبيج كتلج ماكو شي ليش ما تحجين وياي
حاولت وحاولت احجي وياها بس ولا كأنو اخر شي تعبت منها جريت ايدها وطلعنا من الطوارئ
دخلنا الصيدلية قريبة وما حجت كَبل عكدت اديها ورفعت حواجبها منتظرة احجي شوي ابتسمت على منظرها عود مسويه روحها ما تهتم
راح احجيلج من البداية ماشي
.
.
.
....................
#فاطمة
عبالي خلص انتهى كلشي بس فتحت اعيوني بتعكر من الضوه
كعدت واني اشوف نفسي بعدني بنفس الغرفة بقيت كاعدة بمكاني بدون حركة بس العيون تلمع الى ان بجيت خاب أملي
لأن ضنيت اني خلصت وفكيت بس الله كاتبلي غير شي راسي راح ينفجر واني اذكر احداث البارحة على ما اعتقد
حاولت استوعب واجمع شنو يلي صار
بس شهكَاتي علن وأني اتلمس شعري ويلي اتمناه كابووس طلع حقيقة ما غير الكابوس يلي تحلمت بيه
Flash Back
بمكان فارغ شعري مفتوح على حاله طويل ويتطاير ويه الهوه عالي
من لاشيء شفت امي كدامي
حاولت احجي وياها بس مايفيد
يمه ليش ضايجه مني
حاولت إلزم ايدها وخرت مني وراحت
يمه يمممه شبيج صدك جذب اوكفي
احجي وياج
كل ما احاول اتقرب هيه تبتعد اكثر الى ان بديت اركض وراها بس هيه بعيدة جدا عني
هج من العدم وكف كدامي جبل
انضربت بيه والتقت اعيونه حاولت اوخر بس كمش ايدي ردت أفلتها منه بس جرني اله مكدرت اصرخ عليه ولا احجي
بس ساكتة لمن
حضني وضمني لصدره وصار راسي على كتفه واني اشوف مو بس امي كل الناس يلي اعرفها ونسوان كبار معرفتهم واكفين ايباعون علينه
بنظرات غضب
ردت اوخر ودفعت صدره بس بقى
اديه على خصري دفعته وردت اروح بس كض ايدي باوعت عليه مارادني اروح بقه متمسك بيه وكأنو اني اخر شخص اله
أنت تقرأ
بَيِن يَديِك أنا
General Fictionقصة لأختطاف فتاة تساعد المتظاهرين لمدة شهر كامل فماذا سيحدث لها وهل ستعود ام تقتل ؟ هل تقع في حب رجل خاطئ ام الموت المحتم لها يبعدها عنه؟
