وقلبي يخَفي حُباً لذالك القريب البعيد بحجِم أرضُ ربَي وسمائه .!
.
.
.................
دخلنا المستشفى بحالة خوف ومباشرة لغرفة العمليات ردت ادخل زمخ بيه الدكتور سامي يم الباب مال صالة العمليات مراح ادخلين روحي
ردت احجي دخل وسد الباب تأفأت بملل شبي هذا وضليت منتظرة بره دنكت راسي احاول اهدئ بس اديه ليهسه ايرجفن
شفت ايد على اديه رفعت راسي وابتسمت والله اجيتي بوقتج باوعت عليه وكعدت بصفي ولج انتي شمسويه شو المستشفى كلها تحجي ويا دكتور رجع من المناوبة وافتح ويا موضوع يسأل عليج
خليت راسي على كتفها وبعد ما انطيتها نظرة ورافعة حاجبي الها رفل تره تعبانه عوفج من هاي السوالف اكلج روحي دخلي لصالة العمليات شوفي الدكتور سامي
كامت بسرعة وطيرت راسي من كتفها وحجت بسرعة وهيه تعدل شالها ليش الدكتور سامي بصالة العمليات حتى مخلتني اجاوب كبل دخلت
كلت بكلبي مو صاحيه وكفت ورحت للاستعلامات شافتني الممرضة كهوة
هزيت راسي وسألتها لا تخلين اهواي شكر واكلج الدكتورة رفل دخلت العمليات ويه الدكتور سامي خاف احد سئل عليها
راحت وضليت مستندة على الميز مال الاستعلامات دنكت راسي من الوجع وباوعت لزينب ام الاستعلامات
زينب سجلتي اسم المريض و العملية
باوعت عليه وهزت راسها لا دكتورة منتظرة الدكتور سامي يطلع من العملية واخذ تفاصل الأسم مالته وعمليته والتكلفة لان هاي عملية طارئة معرفت معلومات المريض
هزيت راسي وحجيت واني اشوف الدكتور فهد من بعيد يمشي بالممر جاي يحجي ويه الممرضة اني اعرفه اسمه سويت روحي اكح واحاول افكر جاي انطيها الاسم اجه الدكتور فهد هاا ولج شمسويه ضحكت بتوتر و باوعت لأم الاستعلامات بعدين اجيج
مشينا بالممر اني والدكتور فهد وحجيت واني كاضه راسي وافرك مابين حواجبي ماتكَلي انته حتى رفل مساعه اجتني وتكول شمسويه تره بس حاولت اأدي واجبي اتجاه المريض وهو أنو انقذه
باوع عليه وعود صفكَ بدون صوت بالممر وعلى وجهه ملامح الاعجاب ضحكت واني امشي ماعرفتج
ممرضة صاحت اسمي واحنه نسولف وانطتني الكهوه ضلينا كاعدين على الكراسي مالت الممر وفهد يحجي واني استمع واجت وكفت ويانه الدكتورة زهراء هاي السنة الأخيرة الها بالطب حبابه وتعرف الصح والخطأ وعادلة بكلشي ليش كاعدين اهنا كلشي ماكو مترحون للطوارئ
باوعت عليها وضحكت اما فهد كال وعليكم السلام دكتورة
استحت وابتسمت وهيه متباوع باتجاه فهد الموضوع جان كلش واضح من ملامح زهراء وخدودها الحمر انو هيه معجبة بفهد ومن زمان بس ما تعترفله لان كبريائها اولا وخوفها ثانيا
أنت تقرأ
بَيِن يَديِك أنا
General Fictionقصة لأختطاف فتاة تساعد المتظاهرين لمدة شهر كامل فماذا سيحدث لها وهل ستعود ام تقتل ؟ هل تقع في حب رجل خاطئ ام الموت المحتم لها يبعدها عنه؟
