بَيِن يَديِك أنا

الجزء 34

خَل اصفن عليك شَعندي غير عِيونك .

///////

جبل: وج صوتج بت الكلب وين گاعدين و.؟ گامت بس گضيتها .. علييي امشي ولي منااا يلاااا

مسحت ادموعها .. ول يابه غير يشاقى وياج انتي هيج مباشرة احلام يا خرا انتي الثانية

فاطمة: وخرت ايده واني ارفع اصبعي بوجهه.. جبل اني احبك وانانية بيك وداعة حبك اذا دريت اكو حرمه ثانية ما تشوف خلقتي بعد

جبل: اتنهدت واني اعض اصبعها .. اصبعج اخليه بعينج

فاطمة: ابتعدت وباوعت لايده وعدليت الشاش عليها .. لا تتحرك اهواي ويلا اريد ارجع

جبل: يلا اوصلج بس؟ صوت رجال يبچي يم باب الاسعاف شايل بته ب 10 سنوات مليانه دم گبل ساعدت ابوها وحطيتها ع السدية .. شبيهاا ش.؟
فاطمة مباشرة شگت القميص وضلت تفحصها وتشوف سبب النزيف

الممرض: ما عدنا الادوات الكافية اكو مركز الضمادة قريب على بُعد شارع

فاطمة: قست نبضات قلبها .. استعجل بيها وتعال هنا لا تضغط ع الجرح لان هيه زجاجة داخله وتجرح الاعضاء الجوه بس توصل سوو تحليل وعرفو فصيلتها وعمو روح انت لمركز الدم جيب الها دم

جبل : گضيت ايدها .. بعد انت المسؤول يخوي

الممرض : بس خاف يصير شي

فاطمة: باوعت عليه وتركت ايد جبل يلي خزرني .. يلا مشينا جبل ما اگدر اعوفها .؟

جبل: ماشي روحي بس سيارة شرطة رح تجي وياج اتخلصين وترجعين للبيت سامعة للبيت فاطمة

فاطمة: هزيت راسي .. ماشي حبيبي

.
.
.

نور: الحمدالله ما صار بينا شي

الجدة: وين حرمه جبل

نرجس: ما قبلت فاطمة ترجع لمن شافته متصاوب

زين: گمت بعصبية.. جبل متصاوببب ؟؟ وانتي هسه ياله تحجين

نور: راد. يطلع بس كضاه ابونا

ابو اياد: صايره حرب شوارع انت وين رايييح اگعد واتصل عليه شلون اخباره

الجدة: دموعها تنزل.. يا حبيبي يا عيني بس كون ما متأذي

نور: لا يمه ما بيه الا العافية

زين: الوو ها جبل وين انته صدگ متصاوب .. هسه اروحلها اجيبها ما بيك الا العافية يلا حبيبي

ابو اياد : هاا

زين: لا الحمدالله بس گال اروح اجيب فاطمة ما يأمن عليها بالمستشفى

احلام: شوداها هاي لو صايرة دكتورة براسنا

ام نور: احلاااام روح ابني روح جيبها