"كفاك يا ليلُ لا تستدرِجِ الأرَقَا
من غيرِ شيءٍ فُؤادِي مُترَعٌ قَلِقَا"
.
.
.
.
المستشفى _ فاطمة
عدلت وجهي مسكارا على حمره على تنت للخدود
عدلت الهاينك والشيلة انوب لابسه سكراب
اتصل عليه ما جاوبت ارش عطر وهو دگ مرة الثانية
جبل: بالطوارئ اني
خذت جنطتي وبيدي التاب وطلعت للمصعد انزل
شفته من بعيد شگد مميز شگد هيبة والكل يباوع عليه
لابس بنطلون قماش وقميص ابيض وفوگه كوت ووشاح والحذاء جلد يلمع فهيت اني واباوع على ملابسي
جبل: الله يساعدج
اباوع منا ومنا وبالعيون
: ويساعدك
جبل: شبيج تتلفتين ؟ تراني گدامج لو خايفة لا احد يشوفنا
باوعت عليه عاگد حواجبه ورفع حاجبه منتظرني
: لا لان حلو اباوع على الممرضات خاف يباعن عليك
فك حواجبه وهدأت ملامحه وابتسم وهو يمسح لحيته
جبل: لعد انطيني ايدج حتى لا يباعن بعد
باوعت على ايده وگلبي جاي ينگز بمكانه
: بس هلمرة
جبل: اي اكيد
لزمت ايده يلي لمست روحي وشابك اصابعنا واني ابتسم واتجهنا للسيارة لمن وصلنا فتح الباب واخذ جنطتي مني حتى اصعد
: جبل شلون نتغده وملابسي
جبل: قابل راح تاكلين بيهم وبعدين تخبلين بهالتراك
: لا واضح تراك سكراب يمعود
ابتسم وهو يجي يصعد وعطره خدر حواسي
: شوكت لحگت اتبدل وتلمع وتكوي
باوع عليه وابتسم
جبل: من خابرتج اني واصل قريب
يباوع على شفاهي واني توترت
جبل: ليش حاطه حمرة تلمع
: وين نتغده
باوع عليه وابتسم وهو يعلي صوت الاغنية اغنية حسام الرسام كلش يحبه
جبل: وداعت امي .. ونظر عيني وانت ممحلفني هسه
يغني وياه ويبتسم وعينه على الطريق
جبل:شما حصل بينك وبيني حبي الك ضل هو نفسه
مندمج وياه ومد ايده لمس ايدي وشابك اصابعنا واني اباوع على ايده والف فكرة براسي ميصير ولا وشلون ارجع فززني بصوته
جبل: وصلنا
باوعت عليه مشوشة اريده وما اريده وما اريد اتنازل اله وارجع بسهولة بس من اباوع عليه كلشي انسى
: احنا مطلگين جبل
جبل: ادري
: لعد ليش عزمتني ع الغدا
جبل: حتى ناكل
أنت تقرأ
بَيِن يَديِك أنا
General Fictionقصة لأختطاف فتاة تساعد المتظاهرين لمدة شهر كامل فماذا سيحدث لها وهل ستعود ام تقتل ؟ هل تقع في حب رجل خاطئ ام الموت المحتم لها يبعدها عنه؟
