بَيِن يَديِك أنا

جزء 5

"علاقةُ الحُبِّ إن أنتِ ابتسمتِ لها
أمامها تنتهي كلُّ العلاقاتِ!"
.
.
.🖤.
.
.
.................................
جسمي كله يوجعني وما اكدر اتحرك بالكوه دخلت سبحت ودموعي ما خذه مجراها على موقفي وعلى امي وعلى كلشي

اخ يايمه شصاير بيج هسه يا بعد كلبي اففف يا يمه
اكولها وقطرات المي الحار تنزل على وجهي احاول انسى ولو لثانية انو هذا مو حقيقة هذا كابوس وهسه اني يم امي
.
.
.
طلعت واني لابسه دشداشه مدري منين غير ذن
لأن الملابس يلي انطانياهن لازكات كلش وتراك واني جسمي مو مال هيج شوي مليانة وعندي تفاصيل

لذالك اضطريت البس هذي لان صدك جبيرة والصراحة مرتاحة بيها وعطرها طيب

رحت للمرايه شفت وجهي يلي صاير ما ينوصف الهالات السوده والعيون الحمر ومرمات من البجي ما اهتميت وشفت عطور كدامي كلهن ماركة واني هوسي بالعطور

خليت ركسونه وضليت اجرب بالعطور والخاولي على راسي
ونسيت نفسي لثواني وابتسمت واني اذكر عطوري وغرفتي وشلون اتعارك ويه اختي شهد لان تريد تاخذ منهن

تنهدت بتعب واني اوخر الخاولي وضليت امشط وسرسحتني التساؤلات

شنو 4 ارهاب وسجن
ليش خطفوني وشنو يردون من احمد
منو يقصد اصدقائه....همه بس مؤمن وعلاو...

وكفت تمشيط واباوع لنفسي بصدمة
اخوي علي

عزززه معقولة هم يردوه ضليت امشي منا واروح منا والله اموت اذا سووله شي انوب ما اكدر احجي بس شلون اكيد ايعرفون الاسماء مثل ما عرفوا احمد

وكفت بنص الغرفة وحجيت
همه ميعرفون وجوهم
علي واحمد ومؤمن وكم واحد بعد
من يرحون للمظاهرات يغطون كلشي حتى اديهم خاف يشمرون قنابل مسيلة للدموع همه ايوخروها علمود لا يتأذون المتظاهرين البقية

رجعت للمرايه
هسه شسوي
رجعت مشطت وكلساعه صفنه شكل
اباوع راح اصير ب 12 الظهر
واني جوعانه
افففف شعري طويل مشطت شلون ما جان خاف احد يجي خلصت وضليت
احاول افتح جرارات الميز مالته مقفول الكنتور مقفول

كعدت على الجربايه صدك جوعانه وصدعت وحجيت بعصبية
هسه اليخطف غير يعوف اكل

صارت بالوحده واني هج بس امدده على الجربابه وحالتي ساءت من لا شيء جسمي كله يوجعني وحرارتي ارتفعت
وخرت الشال عن ركَبتي اختنكت كلش
.
.
.
غافيه وشميت عطر رجولي وانفاس تضرب وجهي
حسيت بأصابع على خدودي وانتقلت على كَصتي
اعيوني من كد التعب ما اكدر افتحهن
ولا اتحرك حسيت المكان اليمي فرغ وضربتني نسمة الهوه البارده دلالة ذهابه
.
.
.
"يمه منو هذا تعرفيه ما شايفته من قبل"
تهز راسها وتبتسم
"يمه شبيج ما تحجين...
يممممممه دير بااااااالج"
بلحظة وحده رفع بندقيته وقنصها
الدنيا توقفت وانفاسي انكَطعت ونظراتي انتقلت من قطرات دمها المنثورة بالهوى وعلى وجهاا ودمها يلي ترس قميصي   راحت امي راحت وما كدرت اسوي شي راحت من عندي يممممه حبيبتي يممممممممه
.
.
.
.
فتحت اعيوني واني أصرخ قوي لهذا الشعور بس جسمي خدران و يوجعني تحركت شوي وونيت بألم والدموع قضية ثانية