بَيِن يَديِك أنا

الجزء 20

لماذا ؟
لماذا أشعرُ بأنَّكِ أقربُ مني إلي
وأنكِ حُبٌ يفوقُ إحتمالي
وحُبَّكِ دومًا كَثيرٌ علي
وأنَّ قرارَ هوانا سيبقى
فلا بيديكِ ولا بيديّ

بَيِن يَديِك أنا
الكاتبة: فاطمة عبدعلي
///////

الانفاس الحارة تضرب رگبتي ووجهي فتحت اعيوني وعكرت ملامحي وجبل نايم على ايدي شجابه هذا
اتنهدت
شعرت بايده على خصري العاري ورفعت الغطى مباشرة
: جبل ليش منزعني ملابسي هاا
باقية بالملابس الداخلية واني اباوع عليه نايم مع صوت تنفسه وشخيرته الصغيرة راح الغضب واني اباوع عليه
اتنهدت واني اقترب اله اكثر واحضنه
حياتي سودة بدونك يا حبيبي
بداخلي اهواي كلام لجبل بس ولا مرة حجيته ولمن اشوفه انسى كلشي
حضنته بقوة خفيفة وهو تحرك شوي شابك رجلينا اكثر
ويدخل رگبتي اكثر وياخذ انفاس قوية وهو يبادلني الحضن بقوة
جبل: كعدتي
: ايي عيني . صباح الخير
طبع بوسة على رگبتي
جبل: صباح العافية صباح الجنة
ابتسمت وهو يذب ثگله عليه وايدي صارت على ظهره ووحده جوا راسه بين خصلات شعره
: بيش الساعة اجيت منو فتحلك الباب
جبل: وصلت ب 4:30 الفجر تقريباً وهمزين علاوي وام علي ايصلون الفجر وفتحو الي الباب
: مو گلت نلتقي بالبصرة
جبل: اشتاقيتلج
رفع راسه بقرب مهيب والمسافة معدومة بس بأيدي رجعت راسه وانضرب بالمخده
: بعدين مو هسه
جبل: هاي شنو هههههههههه
ضحك بقوة يم اذني وهو يصير على ظهره ويبتعد
گمت واني اشيل ملابسي
جبل:بعدني نعسان لا تروحين
: مو تريد اتروح للبصرة
جبل: خل نطلع ب 10 الصبح شعدنا
: چا هسه بيش الساعة
جبل: ب6
:صدك والله
اتنهدت اني هم شوي نعسانه واباوع على جبل وهو مد ايده اليه
: الله المستعان خل البس ملابسي لح..؟
جرني ورجعت بقوة اله
جبل: عيب الملابس تفصلنا فاطمة
:عوفني خل البس
جبل: تؤتؤ تؤ مو بكيفج يله خلينا انام ورانا طريق
اتنهدت
وقربني اكثر وخله راسي على ايده ويحضني وهو يغطينا
.
.
.
.
دخل جبل بجنطته
جبل: ملابسج اهنا خليها
: ليش عندي جنطة
جبل: لا نكثر بالجنط هاي اني وياج
سكتت واني جاي احط المسكارا وعلى شعري الخاولي لان لسه شوي مبلل من السبح

خلصت ما حطيت اهواي طلعت ملابس
جبل: هذا گصير لا تلبسيه
رجعته وطلعت ثاني
جبل: هذا هم گصير
رجعته وجبت غير شي
جبل: عزززاا
بنص غضبي لمن سمعته بنبرة صوته ضحكت حيل
جبل:هلگد عجبتج العزززا
هزيت راسي واني اكهكة
طلعت فساتين ملونة وبالاوان هادئة يمكن اربعة كلهم خليتهم بالجنطة
جبل: طويل ومستور عفيه عفيه ابنيتي
: وانته هم ابني سد دگم القميص احسنلك
باوعت عليه وعلى صدره الطالع من القميص وجبل ضحك
جبل: رجال وع.؟
: خل اجيب اگصر شي عندي و.؟
جبل: سديتهن سديتهن
ضحكنا اثنينا واني اجيب الشيلات وارتبهم وكم عطر
: يله اطلع اريد ابدل
جبل: ما اطلع
ابتسمت ورفعت حاجبي اله
: اني اطلع
خذت الجينز والقميص الزيتوني فوك الركبة يوصل وعريض وشيلة بيج جرجيت لان حارة برا شلون لو بالبصرة
باوعت للحلقة وابتسمت واروح لغرفة علاوي