بَيِن يَديِك أنا

الجزء 32

خَل اصفن عليك شَعندي غير عِيونك .

//////

فاطمة : مرت ربع ساعة وهو بس يتنفس وكلها تباوع علينا ردت ابتعد بس كاض خصري مستند عليه .. شلون صرت يروحي

جبل: فتحت اعيوني .. دايخ

فاطمة: حضنته وراسه صار على صدري.. بيه ولا بيك يعمري ليش ما تصعد تمدد

جبل: لا وراي شغل وحدهم ما يدبروها

زين: اني اروح وياك يالغالي لا تشيل هّم

ابو اياد : وين راي..؟

جبل: ما اريد احد بس كفوني شركم

الجدة: عليش يمه شرنا انت حطيت راسك ويه اياد وهذا احترگ دمه على عمه وحچه انت عصبت يا يمه ما يصير كله عصبية

جبل: گمت وعگدت حاجبي .. لا والله ما وراكم بس الأذية واياد هذا ما متربى لو متربى جان عرف الاصول وسكت وانچب لا يحچي وهو ما يعرف شصار واحترم ع الاقل وجودكم بس هذا الشي مموجود هنا

فاطمة: رفعت ايدي عدلت شعره .. تعال خلص حبيبي اشرب عصيرك حتى تروح وعلاجك هذا

جبل: من ارجع الگاچ مخلصة ولامه ملابسنا حتى نروح

زين: گمت واتقربت اله .. لا وسفة يخوي هذا بيتك واذا تريد اياد يجي يعتذر بنفسه

احمد: ايي بويه چدامگ ما تخطى عتبة الباب امسحها بوجهنا صدگ چذب احنا اعيال بيت وتصير بيناتهم الزلة

الجدة: لا تكبر الموضوع يمه هيج مليت من عدنا وتريد تطلع اني حتى ما شبعت منك ولا اشوفك يا شغل يا يم مرتك شايفتك اني

عمار: ابقى هين وانشيلك ع الراس بس لا تطلع انت وحرمتك انت عزيز علينا

فاطمة: باوعت عليه سكت بادلني النظرات وكأنو يسألني واني هزيت راسي .. دام يردون خاطرك لا تكسر خاطرهم

جبل: هزيت راسي .. يلا اروح اني
طلعت وفاطمة اجت انطتني العصير واجه زين

زين: امسحها بوجهي يا غالي

فاطمة: حبيبي لا تنسى العلاج اتغده واشرب

جبل: باوعت لزين  .. ما صار شي بس المرة الثانية هذا البيت احرگه وقد اعذر من انذر يلا فاطمة رايح

فاطمة: خذت العصير .. جببل هاك كمل العصير
اجيت يمه وشربته كامل .. عفيه وليدي

جبل: ابتسمت ودنگت الها لو ما زين ابوسها من هلشفايف بس بستها من خدها وحضنتها .. الف سلامة حبيبتي

زين: راح وفاطمة بقت تباوع عليه وردت ادخل بس

فاطمة: زين ولو ازعجك بس اريد اسئلك

زين: تفضلي فاطمة

زكي: ول زي..؟ .. شفت فاطمة واكفة يم زين اجيت اتقربت يمهم