بَيِن يَديِك أنا

جزء 4

"وغارقٌ فيكِ من رأسي إلى قَدمي
لا تُنقذيني بحقِّ اللهِ مولاتي"
.
.
.🖤.
.
.
............................
يالله ساعدني احجي بكلبي بلا اي فعل اخاف حتى افتح اعيوني استسلمت لأمري واني احس نفسي بسيارة بقت تمشي اهواي

لحد ما فجأة وكَفت وسمعت البيبان اتفتحت ونزلو وهمه يسولفون واصواتهم خشنة وتخوف

بقيت وحدي ردت افتح اعيوني بس
نشف ريكَي لمن نسمة الهوا البارد ضرب وجهي دلالة على فتح باب مالت الصندوق

الشخص يلي فتح الباب يضحك بس ما اسمع
شسوي
رد سيدي انزلها
عوفها

سد الباب واني الف حمد كلت فتحت اعيوني ارد اشوف اني وين بس ادموعي غركن بدموعها ونظري اشوش من الدموع

ما رفعت راسي بس شوي شفتهم دخلو مسحت ادموعي وطفرت للكراسي الخلفية فتحت الباب على كيف وطلعت
ما عرفت اني وين ولا وين راح اروح
المهم اشرد منهم

شفت بناية جبيرة يم السيارة ومقابيلها كله اسود فراغ اتوكلت على الله ودموعي تنزل

ركضت حيل واني شايله فستاني بس اريد اشرد

متت بدمي من سمعت خطوات سريعة وراي ادموعي نزلن وحاولت اركض اكثر

بس ما احس بس ايد انمدت على زندي وايد على خصري من وره ويوكفني حيل
ضليت اضرب ايده واحسه يتنفس ضد ظهري
عوفني الله عليك عوفني

سمعت صوت من بعيد سيدي اجيك
لا

حاولت ادفعه دارني بأتجاهه كان شخص بملامح حادة مع انو اني جنت مو ضعيفة كلش ومو كصيرة بس حسيت نفسي تغطيت لمن هو واكف يمي وكان بدون اي شي لا خوذة لا درع بس ملابس طبيعية وبدون زي الاسود يلي لابسيه

كمش شعري من فوك الشال واحس شعري يتكطع بيده
كمشت ايده ونزلن ادموعي واعيونه تخوف وانفاسه تضرب وجهي
درت انظاري للي وراه لابس اسود ومغطي وجهه وسلاحه بيده

سيدي انخليها بالسراديب

حجيت بكلبي وكلت هاي هيه راح اموت

غطيت نفسي بيه لمن هذا ابو الاسود مد ايده عليه عود ياخذني
بس جرني من شعري وخلاني وراه وحجه بصوت ثابت وواثق وخر ايدك لا اكسرها الك شو صايرين تتجاوزون ويرادلكم شويه ضب موو