طلعت وبقيت ماشه على الموقف جات عربيه وقفت قدامي وضربت لي بوري ما اشتغلت بيها كتير وكملت مشي تاني اتكررت نفس الحركه مشيت بي زهجه كدا وضربت قزاز العربيه قلت ليو انت واحد قليل ادب وما محترم ما عندك اخوات في البيت لمن بتعاكسني في الشارع هسي يرضيك يعاكسو اختك😠نزل القزاز وانا لسه مكمله نبذ
احمد:سمرا بطلي معط واركبي😴
-ووبعلي دا انت😨ما عرفت اضحك ولا ابكي على منظري البيش😂ركبت وما قدرت اتكلم من الخجل بقيت بعاين للشارع بس
=اربطي الحزام
-حاضر
جريتو كذا مرا ابى لي شكلو كان علقان قام جراو هو وربطو لي ودقات قلبي زي الدلوكه قلت ليو خير في حاجه ولا ابوي مرسلك
=ح نمشي بيتي عشان في كذا حاجه ما ظبطت ومحتاج رايك فيها
-طيب دقيقه اكلم ابوي
=ما تخافي انا كلمتو
-ما مشكله بس عشان اكون مطمنه
ضربت لي ابوي كيفك تمام قال لي الحمدلله بخير قلت ليو احمد جاني جمب الجامعه وقال لي امشي معاو بيتو عشان في حاجات عايز راي فيها قال لي اي عارف جاني واستأذن مني قلت ليو ما مشكله رديت ليو طيب ما بتأخر قال لي خير ولو جيعانه قولي ليو يجيب ليك اكل اوعى من تدوخي في الشارع قلت ليو شايله عصير في الشنطه ولو جعت بشربو قال لي خلاص خلي بالك من نفسك قلت ليو وانت كمان وقفلت💛
=كدا ارتحت
-اي كدا مرتاحه
ما بحب امشي حته من غير ما اكلم ابوي هسي لو مت ولا جاتني حاجه في الحته دي منظري قدامو ح يكون كيف افسر ليو بي شنو ابوي الثقه عندو مهمه شديد ولو اتكسرت تاني ما بتتصلح😴
=فعلا كلامو صااح الثقه لو اتكسرت ما بتصلح
اتحركنا على البيت ونحن في الطريق وقف وشال ليو اكل وكملنا وصلنا البيت كان فيو عمال شغالين وما فضل فيو كتير عشان يخلص البنيان انتهى فضل البياض والبوهيه بس
-هسي الناقص شنو
=الديكور بتاع السقف احسن يكون ورود ولا خطوط مستطيل وفي النص دوائر يعملو فيها المراوح ولا اخليو على المكيف بس لاني دشت شديد وما قدرت اقرر
-رأي الشخصي ولا بي شكل عام
=جايبك عشان رايك😴
-طيب لو كدا انا بفضل الورد طبعا عارفني بحب الورود ولو كانت ملونه ح تكون روعه اعملها بالاصفر والاحمر والاخضر والازرق والبنفسجي والنيلي شكل فيها وح تطلع رهييبه ومحل المروحه اعمل شكل ورده كبيره وفي نصها المروحه صدقني ح تكون مبالغه
=افكارك حلوه ح اعمل كدا طيب والمطبخ
مشيت المطبخ كان حلو وواسع
