اتحركو خطوتين حمد ضرب لي يوسف قبل عاين وقال ليو بدينا تشغيلات من هسي اها التلفون دا بقفلو😂
قلت لي ماما انا ماشه اقدمك واجي يوسف قال لي ارح طوالي ركبت قدام وعمران سايق وهم ورا يتوشوشو ساااي وكلام دقاق😂اول غشينا البيت شلنا الشنطه حقتها
-يوسف صحي انتو ح تقعدو وين؟
يوسف:ح نقعد هنا يومين ومسافرين بروتسودان
هناء:احلف بالجد ماشين البورت🥺
=اي عشان خاطر عيونك السمحه دي وح نتمشى في الكورنيش ونحن ماسكين ايدين بعض
-يلهووي كدا كتير علي تمو الباقي لمن امشي منكم😂
يوسف:اعفي لينا😂
وقفنا في شارع النيل قريب من توتي قلت ليهم اوعى تقولو لي عايزين تشربو جبنه هسي😑يوسف قال لي جبنه شنو هسي نحن وصلنا الفندق
هناء:ياتو فندق دا ما تقول لي برج الفاتح😨
-يابت المحظوظه اريتو حالي😂
نزلنا ودخلنا وقفنا جمب بتاع الاستقبال طبعا الطربيزة بتاعتم اطول مني😂المهم يوسف كم الإجراءات وادهم البطاقه بتاعت الغرفه مشينا على الاسانسير(مصعد لغير الناطقين بها😂)
- لا معليش انا ما بقدر ادخل الشيء دا
يوسف:خوافه ما بياكلوك جوا😂
هناء:سمرا عندها فوبيا من الحتات الضيقه
-انتو اركبو وانا بلحقكم بالسلم
عمران:ح تمشي للطابق السابع بالسلم انت نصيحه
-نصيحه والله بخاف اخش في البتاع دا اخير لي السلم
يوسف:خلاص جيبو الشنط نطلعها معانا وانتو تعالو بالسلم
-لا خلي عمران يمشي معاكم عشان يشيل الشنط انا بجب براي
عمران مدا ليو الشنط ومشو وانا مشيت على السلم وبديت رحله الالف ميل😂(انفعلت)
اول طابق عدا والتاني لكن في التالت نفسي قطع قعدت في الارض طلعت الهيلز وكملت مشي لمن وصلنا الخامس قلت ليو اقيف نرتاح شويه قعدت في الارض مسافه تاني قمت في السادس قلت ليو شيلني زي شوال العيش والله تعبت وما قادره اتحرك قعد يضحك فيني😂 اتكلت في الحيطه شويه وكملنا مشي
عند هناء:-
وصلنا الغرفه سريع ولمن وقفنا جمب الباب قال لي غمضي عيونك وفعلا غمضت فتح الباب خشى قدامي وتاني جاء شالني ودخلني قات ليو يوسف انت مجنون هسي كان وقعنا قال لي معرسه ليك حصيره لمن ارميك قعدت اضحك بصوت عالي قال لي الله يديم لي الضحكه وستها تاني نزلني وقال لي فتحي فتحت عيوني لقيت الغرفه كلها مزينه ورد احمر وهنبوكات(بوالين لغير الناطقين بها😂) حمر ومكتوب في السرير H و Y بالورد اقسم بالله كانت حاجه حلوه وأتأثرت بيها شديد لمن دموعي نزلو مسحم لي وقال انا ما تعبت قدر دا عشان تبكي لي قلت ليو لكن الغرفه بقت حلوه شديد قال لي مفترض تضحكي مش تبكي قلت ليو انت ما عارف اني بعبر بالعكس دايما😔قال لي انت حلوه وحتى تعبيرك الاقلب دا بحبو😂المهم ما تبكي قلت ليو طالما بقيت في حياتي ماف سبب يخليني ابكي تاني قام ضماني عليو
