قبل خمسه سنوات:-
يوسف:يا هناء انا مسافر لانو غير كدا ما بنتلمى في بيت واحد
هناء:ما تسافر يا يوسف عليك الله ما تسافر خليك هنا وح نتلمى صدقني🥺
=انت بتغشي نفسك ولا بتغشيني انا شايفاني ما عندي شهاده وماف زول ح يشغلني اشغلت كمساري وطلبه غسلت عربات وبعت في السوق لكن كلو ما نفع لي متين ح تنتظريني
-لغايه ما تجي تدق باب بيتنا وتقول لي ابوي اديني مرتي
=لو قعدت هنا دا ما ح يحصل ما تكذبي على نفسك
-يوسف انا ما بكذب على نفسي انا ما عايزة اي حاجه منك تعال انت بس وابوي ح يوافق ولا شيله ولا حفله ولا مهر ولا اي شئ عقد في الجامع وبلح يتوزع على الناس وخلاص
=هناء انا ما عندي بيت نسكن وين؟؟!
-نسكن في بيتكم مع ناس عمو ما فيها حاجه غرفه وحده بتكفينا واولادنا يتربو في حضن حبوبتم وجدهم ووسط اعمامهم
=انا ما عندي شغل ناكل من وين؟؟!
-الله كريم ورزقو واسع انت بس اتوكل عليو وما تخاف من شئ
=انت ناقصك من البنات شنو لمن تعرسي كدا احسن وارجل واحد بستاهلك وتستاهلي يتعمل ليك اي حاجه تحبيها
-ناقصني انت يا يوسف ما عايزة حاجه تانيه من الدنيا غيرك
=ما بقبل تعرسيني بالطريقه دي
-انا قبلانه انت مالك رافض😢
=ما يهون علي اشوفك اتخليتي عن حلم كل بت واللحظات الحلوه البتكون فيها عشان تكوني معاي
-ما ح تتراجع يعني
=ماف طريقه والله
-خلاص زي ما عايز لكن يشهد الله يا يوسف تمشي وما تجي راجع اعرف اني ما عافيه ليك حقي لمن اموت ونتلاقى يوم الموقف العظيم وربنا ياخد لي حقي منك ومشيت خليتو
رجعنا:-
يوسف:اها كدا اتذكرتي
هناء:اي
=شفتي انت تستاهلي العملتو عشانك واكتر كمان انت قبلتي بي وانا عشره جنيه ما عندي في جيبي رضيتي تضحي بي سعادتك عشان تكوني معاي اتنازلتي عن اهم مستحقاتك عشاني يومها انا حلفت يمين مهما كلفني الموضوع امشي واشتغل بي يديني وسنوني عشان اجي واوريك انك ما غلطتي لمن فكرتي تضحي عشان تكوني معاي
-عمري ما ندمت ولا مره على الكلام القلتو ليك وهسي مستعده اعرسك بي عقد في الجامع وبلح
=يابت الناس انا ما بحبك انا بعشق الارض البتمشي عليها
-....🙈
=الله يلمنا عشان اشوفك بطيري مني وين😂
-تصبح على خير انا نعست ماشه انوم
