"بعد عدة سنوات"
هناء:كفايه ياسمرا اهلكتي نفسك روحك دي امانه عندك وبسألك منها رب العباد يوم الموقف العظيم
-ما قادرة انسى والله العظيم ما قادرة اعمل شنو😭💔
+ماف حاجه سهلة في الدنيا دي لكن ما مستحيله
-عملت السبعه وذمتها وبرضو ما نسيتو💔
+هو خلاص مشى وما برجع تاني اقنعي نفسك بالحاجه دي وما تنتظري سراب
-لا هو قال لي بجي راجع وعمرو ما كذب علي💔
+انت محتاجه مستشفى امراض عقليه بعد كدا
فلاش بااك:-
لمن طلعت الشارع ولقيت عمران غرقان في دمو جمدت حتتي كواريك اسيل لمت ناس الشارع كلهم قعدت جمبو وبقول ليو عمران اصحى ما برد لي ضربتو ما صحى برضو ونفسو اتقطع جو رجال شالو من قدامي وانا بقول ليهم خلو ماشين بيو وين ماف زول اشتغل بي جريت وراهم اسيل مسكتني رجعتني البيت لبستني توب وطلعنا ركبنا امجاد مشينا المستشفى قالو لينا دخلو العمليات عشان اتعرض لي تلاته طعنات بالسكين اتنين في جوف المعده ووحده قدت الكليه💔الممرضه نهائي ما طمنتني
الحاله الكنت فيها ما يعلم بيها الا ربنا مهما كتبت ووصفت ما ظن زول بحس بي💔
""""""""""""""""""""
كلام يوسف وقع فيني زي الصاقعه كيف يعني ويديني بيت ابوي عملت شنو انا...ولا غلطي شنو....دموعي انتهت وانا مستنياو ما جاء سخت الاكل وسمعت صوت الباب ختيت الغدا وقلت ليو تعال ناكل قال لي ما عايز اكل حاجه جهزتي شنطتك ولا لسه قلت ليو ما جهزتها ولا ناويه اجهزها جراني من يدي وقال لي هناء انت ما بتفهمي قلت ليك ارح بيت ابوك قلت ليو ما ماشه غصب هو قال لي انا ما عايزك معاي قلت ليو وانا عايزاك ولا على كيفك قال لي تسوي شنو بي راجل عقيم ما بيولد وقعد في الارض ودموعو نزلت💔قعدت جمبو ومسحتها ليو وقلت هسي لو كنت انا العاقرة كنت ح تخليني قال لي مستحيل ولو على قطع رقبتي قلت ليو انا نفس الشي ما بخليك قال لي ما بقدر اكون اناني واحرمك من احلى احساس في الكون قلت ليو دا اختياري انا والاحساس دا لو ما انت كنت جزو منو ما عايز احس بيو وبعدين انت عارف ربنا كريم كيف ياما ناس قالو ليهم ما بتولدو وربنا كذب اقوالهم وهسي نحن نتوكل على الكريم وكلنا يقينا انو ح يجبرنا ولو بعد حين باس يديني الاتنين وراسي وقال لي الله يخليك لي يابت الاصول قلت ليو ولا يحرمني منك😍تاني قلت ليو يوسف ممكن اطلب منك طلب قال لي عيوني ما تغلى عليك قلت ليو لو في زول سألك قول ليو هناء الما بتولد عاين لي باستغراب وقال لي ابدا ما ح نكذب على الناس واشيلك المشكله البسألني ح اقول ليو الحقيقه قلت ليو لكن كدا الناس بعيبوك🥺قال لي ما راضيه بي عيبي قدام الناس وعايزاني ارضى اعيبك دا كلام دا قلت ليو ما ح تسمع الكلام صااح😔قال لي ربنا كاتب لي كدا وانا كلي امل ويقين انو لي خير قلت ليو ونعمه بالله💛وهو ماسك يدي تلفونو ضرب ردا وصوتو مخلوع قلت ليو في شنو قال لي عمران طعنو بي سكين وهسي في المستشفى قلت ليو ووبعلي الليله سمرا بتموت لو جاتو حاجه💔
