رقية:سمرا كانت ماشه وبتترتح ظاهر انها ما طبيعيه مشيت كلمت ياسر عشان نمشي البيت واسوقها معاي كفايه الشافتو والوجع الحست بيو طلعت برا لقيت عربيه ماشه بسرعه عليها وهي واقفه حتتها كوركت ليها سمرا زحي يا سمرا زحي بتموتي ختت يدها في وشها والعربيه ضربتها💔
كوركت وما قدرت اعاين لكن الصوت كان عالي شديد ياسر:رقيه مالك انت كويسه؟
قلت وانا برجف من الخوف سمرا ضربتها عربيه
مسكني من يدي وقال لي انت بتقولي شنو اشرت ليو على محلها شفنا عمران عايز يرفعها من الارض مشينا ليهم وانا ما قادرة امشي الا قعدت في الارض....كانت مبتسمه ونايمه زي الملاك...فستانها الابيض قلب احمر من الدم...بقيت بجرها من يدها وبقول ليها سمرا قومي...عليك الله قومي بعمل ليك اي حاجه انت عايزاها بس قومي لكن ما كانت بترد علي بقيت بكورك بي صوت عالي شديد عمران رفعها من الارض وياسر قومني ركبوها في العربيه وهناء جات لمن شافتها وقفت وما قدرت تتحرك من محلها روان وهديل جو معاها لمن شافوها هديل جات جاريه وهي بتبكي عمران زحاها وركب العربيه واتحرك رجليني بقت ما شيلاني الا ياسر مسكني بكيت وكوركت لمن حسي راح وانا واقفه في حتتي ياسر بتكلم معاي وما سامعه منو شيء
ياسر:ارح نحصلهم في المستشفى....رقيه انت سامعاني...رقيه....رقيه
ما قدرت ارد عليو لساني تقل شديد جات روان حضنتها وقعدت ابكي💔
روان:رقيه اصحي دا ما وقت تنهاري فيو
ما رديت عليها قالت لي رقيه فوقي على نفسك بقيت ابكي واقول ليهم ماتت...دمها اتصفى كلو...خلاص ماتت وتاني م ح نشوفها...جات هناء ادتني كف لمن اضاني صنت قالت لي ما تتكلمي عنها كدا وهي الدموع ماليه وشها قالت لي ما بتجيها حاجه سمرا ما ضعيفه زينا
ياسر:عمران قال لي مشو مستشفى رويال كير ارح نحصلهم
حمد ويوسف جو ومشينا المستشفى لقينا عمران واقف وقميصو مليان دم سألتو سمرا وين...وديتها وين انطق وانا بضرب فيو ياسر مسك يديني وزحاني منو قال لي رقيه استهدي بالله
يوسف:دخلوها غرفه العمليات
عمران:الدكتور لسه ما جاء
روان:كيف يعني ما جاء يعني اختي ح تموت😭💔
هناء:ما ح تموت ما تقولو كدا ما ح تموت🤬
هديل:ابوي...ماف زول كلم ابوي
حمد:كلمت اسامه ح يجو بعد شويه
الدكتور وصل ودخل غرفه العمليات وابوي جاء الهيبه الفيو كلها راحت ملامح وشو ما مطمنه وظاهر الخوف في ملامحو كان برجف وما قادر يقيف الا قعدو في الكرسي انتظرنا قريب تلاته ساعات حتى الدكتور جانا طالع كلنا جرينا عليو ومالينا الخوف
