يوم الاربع هنوية جات وحكينا ليها الحصل وطبعا هديل استخارت وقالت لي ابوي موافقه وهو ضرب لي عم محمد واتفق معاو لكن قالو ولا عايزين خطوبه ولا شتين بجو ناس عقد طوالي ابوي قال ليهم يصبروا شويه لمن امورو تظبط طبعا قعادي في المستشفى فلس بيو😂اها ابوي لمانا عشان نتناقش العرس يكون متين
رقيه:ابوي اوعى تحددوا هسي يا اما قبل اولد ولا بعد اطلع من الاربعين🙂
-هي نحن مالنا ومالك اقعدي احرسي جناك ونحن نمشي نهجج في الحفلات💃👏
هديل:حفلات وحده ماف انا وراجلي بنلم القروش عشان نسافر بيها ونلف العالم😌
روان:عاان الشليقه بقتو راجلا😂
طبعا ابوي كان قاعد وهديل ما مركزة لمن شافتو دخلت جوا ضفورها وجرت طوالي😂
هناء:اي يا ابوي خلو بعد ولادة رقيه عشان نقدر نشتغل كدا الضغط ببقى علينا تقيل
خليل:طيب البتشوفنو
ابوي قام قال عندو درس عصر لي ناس تامن مشى المدرسه ونحن قعدنا نخطط للعرس والحاجات المحتاجين ليها وكدا
هديل:سمرا انت بقى يشيلك حمار النوم😂
-كضابه والله🙂
+اقسم بالله جد امبارح لمن صحيت استخير لقيتك قمتي ناديتك تلاته مرات ما رديت علي ومشيتي رقدتي جمب ابوي لمن صحى بيك قومك ورجعك سريرك قلت ليو شايله حمار النوم قال لي دي المرة الرابعه تصحى وتجيني
روان:اوعى تقومي وتشردي كمان😂
هناء:الموضوع دا ما بستحمل هظار هسي لو صحت بليل لقت الباب مفتوح ومشت نلقاها وين
رقيه:البلقاها برجعها ما تخافو نقتها اكتر منها😂
-انا خفت والله🥺
هناء:ما تخافي تاني بنومك معاي
هديل:الا كدا تقومي تروحي لينا سااي
ما حصلت تاني حاجه مهمه في اليوم بعد المغرب كدا ابوي جاء قعدنا اتغدينا وماما عملت لينا جبنه واتذكرنا ايام زمان💛
رقيه:وااي بطني😨
روان:ح تولدي
هديل:شنطه البيبي وين ارح المستشفى ما تولد في البيت
هناء:سمرا اضربي لي ياسر واطلعي اجري لينا امجاد
-دقيقه البس التوب
رقيه:يا جماعه كدي روقو انا قلت بطني ما قلت بولد😂
هنوية شالت السفنجه وضربتها بيها وروان قالت ليها تتتف فيك😑اما هديل اكتفت بي الله يهديك وانا قلت ليها ناوية تجلطينا قبل ما تولدي صااح🙂
