صمت رهيب مع توتر وخوف مالي المكان
احمد:سمرا انت سامعاني
رديت بي ارتباك اا...ايوا سمعت
=رايك شنو في كلامي طيب
-ما عارفه اقول ليك شنو يا احمد سكت وبعدت نظري عنو
=قلت ليك انا بحبك كلامي دا ما عندك ليو رد😴
غطيت عيوني بيدني واتسربت ابتسامه صغيره من فاهي(معناها خشمي يا ناس عامله فيها فيلسوفه استحملوني عايزة اطلع مستغانمي الجواي😂)
=خلاص انا فهمت
بقيت القعده كلها بتبسم وبتكشم زي العروس الجابو شيلتها😂🙈
وهو يشيل ويعاين لي ويبتسم بدورو
""""""""""""""""
اسامه:بعد كدا نحن نقوم ولا شنو
رقيه:اي اتأخرنا على ناس سمرا
ملاذ:اقعدو شويه لسه الوقت بدري
اسامه:ماف طريقه والله
ملاذ:انت خطيبها ولا شنو؟
اسامه:اي
رقيه:كضاب دا جيت بيتنا متين😕
اسامه:اتكلمت مع عمي وقال لي متى ما تجي مرتك قاعدة عايزة شنو تاني
رقيه:والله دا الفضل يخطبوني وانا ما عارفه😂يلا مع السلامه
أمل:اقيفي شيلي للمعاكم بسبوسه
اسامه:ما بأمنها ح تاكلها من قبل ما تصل😂
ضربتو في كتفو وقلت ليو قايلني مفجوعه زيك ولا شنو😂شلت البسبوسه وقلت ليهم نتلاقى في ساعه خير ومشينا
"""""""""""""""""
ناس اسامه جو وشافونا فاصلين اسامه قال خير مالكم
احمد:اتأخرتو وين؟
رقيه:جبنا ليكم بسبوسه
-وااي بسبوسه اديني😍
ادتنا انا واحمد وكانت رهييبه شديد قلت ليها جبتيها من وين قالت لي لقيت ناس خالتو امل وملاذ وادوني ليها قلت ليها تسلم يدها والله حلوه شديد😍بعد اكلت احمد قال بعد كدا نحن نمشي قلت ليو اي عشان ارتاح زاتو تعبت ركبنا العربيه واحمد يشيل ويعاين لي بالمرايه لمن عقدني وما عارفه اشيل عيني منو🙈ووب علي من الاحساس الجواي ما بتوصف مهما حاولت اوصفو احساس انك بتحب زول من سنين وبتطلبو في من ربنا في كل سجده وهو يطلع بحبك اقسم بالله ماف احلى منو على الإطلاق 12/7 اكتر يوم مميز في حياتي كلها❤
رقيه:نحن وصلنا انت سرحانه وين
-اا...لا ماف شئ يلا مع السلامه
احمد:ح تتكرر تاني
اسامه:اكيد ياااه
-اشوفكم قريب👋
