قلت ليو متأكد ح تقدر تنفذ طلبي دا بقى يعاين لي بتوتر قال لي ان شاء الله قلت ليو دي حاجه ما بقدر عليها الا راجل بي حق وحقيقه قال لي انت قولي طلبك شنو قلت ليو ارح نطلع نتعشى برا😂بقى يعاين لي بغيظ كدا وكأنو عايز يدقني قلت ليو معليش معليش اها بنمشي قال لي تكرم عينكم عمتو قالت ما بتمشي ركبتها واجعاها قلت ليها كيف يانعومه ما تمشي معانا ما بتجي والله قالت لي ما بتقدر على المشي وركبت السلالم قلت ليها ما مشكله نجيب الاكل وناكل في البيت قالت لي انتو شباب اطلعوا انا بنوم بدري وما بقدر للسهر وقدر ما حاولت اقنعها ما اقتنعت قلت لي عمران خلاص نطلع برانا لكن ما نتأخر على عمتو قال لي خير تاني عمتو سألتني قالت لي انت بشيلك حمار النوم قلت ليها مالي قمت بليل قعدت تضحك وقال لي صحيت بيك بليل قمتي من جمبي ومشيت رقدتي في سرير عمران قلت ليها وووب علي هو شافني قالت لي ما يشوفك كيفن وانا رقدتي في بطنو😂اقسم بالله خجلت خجل قلت ليها بعد العملية راسي بقى خفيف وحمار النوم بقى يشيلني قالت لي رجعك سريرك وطبلت الباب خفت تطلعي وتروحي سااي قلت ليها فضيحه السواده يانعومه😂قالت لي يابت ها ما تشتغلي بالموضوع كتير عادي بتحصل وقعدت تضحك فيني
"""""""""""""""""""""
ملاذ:امي افتح معاها الموضوع؟
امل:اتكلمي يابتي خير البر عاجله
ملاذ:رقيه تعالي عايزاك في شمار خطير
-دقيقه البس سندس اللبسه بتاعتها
لبستها وريحتها وطلعت ليهم برا
اها في شنو؟
ملاذ:في زول سألني من روان وقاصد الخير
-خير ان شاء الله عايز شنو؟
+والزول دا قريب ما غريب شافها في عرسك وهسي قال عايز يتقدم ليها رسمي
-اها الزول دا بعرفو من وين؟
+دا مازن ود خالتي أماني
-والله مازن ما شاء الله عليو ادب واخلاق ما فيو كلمه لكن الراي راي روان
+لا انت ما تخافي هي عارفه
-اجي متين وريتيها؟
+قبل فترة غفلتها وشلت رقمها واديتو لي مازن ومن الوكت داك متواصلين
-عاان بت اللذينه نهائي ما اتكلمت
+هسي الكلام بقى حق رجال كلمي ابوك عشان نجي نتقدم
-ما عندك مشكله لكن اول اتكلم معاها واشوف رايها شنو
+موافقه انا عارفه
-الله يقدم الفيو الخير
أمل:اللهم امييين يارب
ملاذ:اها من اهل العروس ولا العريس😂
