شلت الاكل من التلاجه وجبيتو ليو قال لي شاطره وبتسمعي الكلام ختيتو الباب دقه قلت ليو انت ناديت زول تاني😨قال لي ما ناديت زول بكون الغفير عايز يشيل الوساخه مشى فتح الباب
"ياود اللذينه الليله انا ما مسكتك وماف حاجه بتحلك من يدي دي"
(سمرا)
اول ما شفتو الدم غلى في راسي اديتو كف وروان لزتو وقعتو في الارض وقعدت فيو هديل شايله المرجع وبتضربو في راسو المربع دا وهنا بتشلتو بي رجلها وانا سخنت السكينه في النار وقلت ليو ياباطل قايل روحك انت راجل بي عمايلك دي وتششش تشيتو(ما تشيتو والله ختيتها في ملابسو)وكمان بتتقاوى على اختي يا باطل دقيناو دق العيش وخبتناو خبت نضيف وخلينا رقيه تكفتو وتتف في وشو تاني شلت اللابتوب بتاعو والتلفون كسرتم بي يد الفندق دشدشتم دشديش ما خليت فيهم حته سليمه وشلت الفلاشات ختيتم في البتجاز وحرقتم الباب دقه فتحت لقيتو ياسر قلت ليو استلم الباطل حقكم دا وسقت اخواتي وطلعنا
روان:بقينا عصابه والله😂
-اي زول يقل ادبو نلزمو حدو
هديل:برري يا بنات خليل طلعتو صعبات شديد😂
رقيه:ما عارفه اقول ليكن شنو لكن انا بحبكن شديد😢
هناء:يابت انت عويرة نحن اخوات واعرفي انو وراك سند واعوك تاني تخافي من زول فاهمه
-انت معاك سمرا كامله خايفه من شنو تاني لو ما عويره😕
رقيه:صااح الله ما ادانا اخوان لكن الليله حسيت انكن اخواني ما اخواتي ربنا يخليكن لي وما يحرمني منكن😢
هديل:ولو العفو العفو😂
رجعنا البيت رقيه خشت استحمت وقعدت في البرندا مشيت قعدت جمبها وقلت ليها خليك عارفه انو نحن ما بنفرق عن الاولاد في حاجه حقنا بنرجعو بنرجعو واياك تخافي تاني ونحن معاك حضنتني وقعدت تبكي قالت لي لو ما انتو ما عارفه هسي كان حصل لي شنو😢
فلاش بااك:-
-رقيه بتكلم معاك رسلتي لي اللوكيشن بتاعك لي
رقيه:ماف حاجه قلت ليك اختيني
-كيف ماف حاجه نحن مش متفقين نرسلو لمن نكون في محله ما بنعرفها كنتي وين؟
+سمرا طيري من قدامي ما اكفتك
-كفتي لو عايزة بس قولي لي كنتي وين؟
هناء:مالكم بتكوركو
-رقيه من وكت جات بتبكي وبسألها مالك ما بترد علي
ماما قعدت اتكلمت معاها مسافه تاني نادونا وقعدنا في الارض
رقيه:والله العظيم انا ما حصل لمحت ليو بي حاجه ما كويسه ولا قليت ادبي معاو كنت بعاملو بي احترام شديد قال لي عايز اعرفك على امي قلت ليو الوكت لسه بدري خلينا نستنى شويه قام اصر علي قلت ليو طيب ما نتأخر بعد اتحركنا وقفنا تحت عماره قال لي عندي اوراق عايز اشيلا قلت ليو بستناك هنا قال لي الملفات كتير ارح ساعديني وانا من غبائي صدقتو ما اتخيلت تفكيرو وصل لحدي هنا ومشيت بعد دخلنا الشقه وقفت جمب الباب قال لي خشي قعدت في الكرسي ورسلت لي سمرا اللوكيشن بتاعي عشان لو حصلت لي حاجه قام ناداني مشيت ليو جراني من يدي ورماني في السرير قلت ليو عايز مني شنو قال لي النفسي فيو من زمان ضربتو بالفاظه وجريت كنت برجف من الخوف قايلاو مات قام رسل لي الفيديو دا وقال لي لو ما جيتني الشقه برسلو لي ابوك وخايفه ابوي يشوفو وما يصدقني ويفكر اني مشيت معاو وانا عارفه نتو وراضيه ثقت ابوي فيني ح تتكسر ومستحيل ترجع تاني💔
