حماده:الجميل بقرا شنو
-معمار جامعه السودان
معاذ:باشمهندسه كمان🤤
-اي😂
معاذ:انا شوفت اولادي في عيون البت دي عرسوها لي😔
احمد:اركز يازول الشغل دا حقي
محمد:ما تقول ما قبيل لمن بدينا نبني احلامنا🙂
ليلى:اوووبا من متين الكلام دا
احمد:لينا فتره ما بطاله
معاذ:ولي ما كلمتنا ولا غانج بيها
محمد:انا لو في محلو بغنج قطعه زي دي لو اتلفحت مني احتمال تجيني سقطه😂
حماده:امسك في المكنه دي قوي بقت نادره
ليلى:فعلا والله الزي سمرا دي تقريبا اتعدمن
-يا جماعه ما تكبرو راسي😔
معاذ:ليك حق والله خلي راسك يكبر سااي😂
القعده كانت ظريفه شديد ومليانه ضحك استأذنت منهم ومشيت الحمام جات نوف وراي
نوف:انت حبيبه احمد
-ما سمعتي ولا شنو لكن بعيد لي تاني اي حبيبتو ومرتو عما قريب
ضحكت ضحكه ساخره كدا
+وانت صدقتي يعني😏
-والبخليني اكذبو شنو
+يابت اصحي على روحك ما شايفه نفسك دي عامله كيف
-بشر عادي عندي رجلين ويدين وعيون زيك🙂
+عايزة تقارني نفسك بي😨
-وانت تطولي
تاني ضحكت نفس الضحكه
+لو شفتي البنات الكان بطلع معاهم احمد ما كان اتكلمتي
-لو انت منهم ح اواصل كلام عادي
+انت قايلاو بحبك
-لو ما مقتنعه امشي اسألي
+يابت فوقي هو بناديك زيتونه وحاكي لي عنك اي شيء حفظت سيره حياتك عديل
-زيتونه؟
+😂طبيعي تكوني ما عارفه احمد ما بحب البنات السود وما تغشي نفسك وتقولي انا سمراء فاهمه وهو نفسو يعرس وحده حلبيه ما عارفه غشيتيو كيف وقال ليك انو بحبك لمن كنت بتكلم معاو بحكي لي عن وحده تاني ماخده عقلو وقلبو ولمن شفتك اتفاجأت لانو ماف اي حاجه مشتركه بين الحكاو لي والشفتو قدامي الا يكون في وحده تانيه في حياتو غيرك المهم خلي بالك منو ونصيحه مني افسخي عشان عينو ما تمشي بعيد
ما صدقت ولا حرف من كلامها لانو الغيره ظاهرة في عيونها عايزة احمد بي اي طريقه لكن ما لقت ليها فرصه قلت ليها تعبتي نفسك سااي ما ناوية افسخ وهدي انت حلبيه قدامو خلي يعرسك ماشي بعيد لي😏قالت لي اصلا ما بعيد يكونو عايز يعرسني انا😌قلت ليها يحليلك مسكينه خاتنك للاحتياط في حال ما عرستو انا وقعدت اضحك😏وطلعت رجعت ليهم وخليتها ممغوسه😂
