ركبنا العربيه وعمران بقى ماشي وراهم ونحن بنتونس
نوسه:ح تعرسو عن حب ولا صالونات
-صالونات واحتك😂
+شكلو الكلام بين الكبار
-اصلا الكبار اسياد الشي وكل شي😂
المهم الونسه استمرت لغايه ما وصلنا بيت ناس منار كانو هايجين ومدفقين وصوت دلوكتم فووق🎶👏
نزلنا استقبلونا وضيفونا الرجال كسرو على الجامع طوالي والنسوان في البيت دخلت لي منار كانت متوترة شديد لمن بترجف😂قلت ليها روقي ياعروس كلها دقايق وتبقي حلالو قالت لي الكلام هين بكرة اشوفك بتعلمي شنو قلت ليها انا الاسده النترة ما بتهزني حاجات زي دي😌اها جات بت فكه زغرودة وقالت لي عقدو والسلاح اشتغل حضنتني وقعدت تبكي قلت ليها يابت الحلال دا ما يوم بكا وهي تشيل وتبكي قام مؤيد جاء داخل لابس الجلابيه وما شاء الله هيبه العريس في وشو قلت ليو العريس النفض الكيس تعال امسك مرتك دي كملت دموعها بالبكا😂والف مبروك عليكم تتهنوا قال لي الله يهنيك زحيت منها شويه وهو مشى وقف قدامها طوالي طلعت ما حمل كرمشت مشاعر😂شويه كدا وطلع ماسك يدها وببشر للناس قعدوهم في السرير وجرتقوهم قلت لي نوسه ماف حفله زفاف قالت لي ابو منار انصاري قال ليها ما عايز اي حفلات لكن نحن عاملين حفله جمب البيت لي مؤيد قلت ليها هو كلامو صااح لكن كان ياخد راي بتو الاول دا اسعد يوم في حياتها قالت لي ما اي اب بتفهم كلامك دا قلت ليها ولا اي ابو زي خليلي😌👏
بعد اتجرتقو والناس باركت ليهم اهل مؤيد رجعو عشان يجهزو للحفله ونحن سقنا نوسه ومشينا بيتهم طبعا الناس كلها بتجهز انا قعدت برا في الصيوان كان ياداب ركبو جاء ولد قعد جمبي قال لي من وين ما عرفتك ختيت يدي اليمين في وشي قلت ليو من بيت ابوي بعد شاف الدبله فهم انو ماف ليو طريقه طوالي قام من جمبي جاء عمران قال لي خشي جوا قتعده هنا بتسوي شنو بصوت حاد كدا قلت ليو الجوطه والزحمه نفسي بضيق قال لي تعالي اقعدي في العربيه حمرت ليو ومشيت ركبت جاب لي سندوتش وعصير قال لي ما اكلتي مش قلت ليو ما كنت فاضيه قال لي ما هو الاكل بفضو ليو شلت السندوتش واكلت قلت ليو لو شفتهم حلوين كيف بالجد هو الزواج عن حب رهييب كدا قال لي ما عارف لسه ما عرست اقسم بالله اتغظت منو غيظ🙂قلت ليو انا ما عايزة معاك ظرافه سامع ونزلت خليتو بضحك السغيل الناس بدو يقعدو والصيوان شبع اتملى قعدت لي جمب بنات حلوات كدا والحفله بدت نوسه جات جرتني من يدي وقالت لي عرس اخوك ما عايز تعزي قلت ليها لو ما عزيتو البعزو منو ورقصت ما قصرت💃👏
مؤيد جاء رقص معانا ومع امو كان مبسوط شديد ربنا يسعدوا دايما💛
بعد الحفله انتهت قلت لي مؤيد ربنا يسعدك ويكون بيت مال وعيال قال لي اميين وعقبالك قلت ليو ان شاء الله ومشينا كان عمران بعاين لي بطريقه غريبه لمن وصلنا البيت بعد خالتو مها نزلت عمران قال لي تعالي عايز اتكلم معاك قلت ليو تعبانه خالتو مها قالت لي اسمعي الكلام وخشت ركبت قعدت قدام قلت ليو اها يسيدي في شنو
