"وااي كتلو...خلاص مات....الليله ووووبعلي كتلو"
بقيت ما شايفه قدامي الناس اتلمت فيني وبتسألني يابت مالك وانا بس بقول كتلو وااي مات ودموعي دي شلال قمت من الارض راسي لفى وما وعيت بي نفسي
لمن صحيت لقيت نفسي في المستشفى والممرضه واقفه جمب راسي قمت مخلوعه
-عمران وين عمران مات
الممرضه:عمران منو
-ود عمي كان عمل حادث جمب الجامعه
+ما جاتنا حاله بالشكل دا
-كيف يعني ما جاتكم اها وديتو وين دفنتو يعني ولا في المشرحه طيب كلمتو اهلو
مالك عايزة تكتليني😕
(عمران)
-عمران😢💔
وقعدت ابكي بكيت لمن الله غفر لي والممرضه لمن غلبها التسوي قعدت تبكي معاي يا حليلا حنينه شديد
عمران:اول مره اشوف لي زول ببكي على زول حي مالك يابت الناس
-انت البجريك ورا الحرامي شنو
=عشان سرق شنطتك
-وما يسرقها حريقه في الشنطه والتلفون وفيني انا زاتي هسي لو مت ولا جاتك حاجه اقول لي عمتو نعمات شنو مات عشان عايز يجيب لي شنطتي🙂
=مات عشان الله كاتب ليو كدا والشنطه بقت ليو سبب بس
-اياك تاني تتصرف كدا فاهم😒
=انت قايلاني قدرك ولا شنو بتتكلمي معاي كدا
-يازول بتكلم والله يقدرك تاني كررها عشان
=عشان شنو😕
-بتشوف براك😑
ماشه البيت زاتو
الممرضه:استني الدرب لسه ما خلص
-عناتو ما خلص مشكلتو هو
عمران:اقعدي في حتتك ما اجي اديك كف
-تدي منو ياود انت عوير
جرا لي نور ورفع لي حواجبينو خفت والله وقعدت زي الشاطره😂كملت الدرب وطلعنا على البيت احمد ضرب
احمد:وين انت من قبيل بضرب ليك
-كنت بعيدة من التلفون
=لي جادعه وين؟؟!
-كنت في المستشفى
=في شنو في المستشفى
-موضوع طويل بحكي ليك بعدين هسي تعبانه عايزة ارتاح
=كيف يعني بعدين هسي اتكلمي
-قلت ليك تعبانه ما قادره
=براحتك
