شلت الطرحه ربطتها في راسي كأنها عمه ومسكت رقيه من يدها قلت ليها دي بروفه لي يوم العرس قعدت تتكشم زي العروس(هييي اصلا عروس😂)
هناء طوالي قالت لينا تنضفو البيت دا فوق وتحت ما عايزة زول يجي العرس دا يقول فينا كلمه فاهمات قلنا لينا علم يافندم مع الحركه بتاعت الضباط ديك😂انا ما شغلوني كتير لبست الكمامه بتاعتي وغسلت العده بتاعت الفضيه وشويه من حقت المطبخ
يومين ونحن غير النضافه ما عندنا حاجه قلبنا البيت دا وما عدلناو ابوي كلم ناس حمد يجيو يعملو المصطبه بتاعت باب الشارع يوم الاربع الصباح جاء حمد واسامه وعمران دخلو شربو مويه بس وغيرو ملابسم وبدو شغل حمد واسامه في الشارع عشان المصطبه وعمران جوا بجدد البوهيه بتاعت الغرف والعفش كلو برا بقينا زي المشردين😂بعد ناس حمد خالصو دخلو جوا وساعدو عمران في البوهيه انتهو قريب الضهر كدا ختينا ليهم الفطور والشاي والجبنه تاني عملو تلقيمه للراكوبه وسو للوضايه سيراميك وركبو الدش للحمام وشلنا الكروك كلو بعنا لي بتاع الخرد قريب العصر كدا حتى خلصو شغل ورقدو سلطه اي واحد اتجدع في سرير ونام😂
المغرب كدا ابوي صحام صلوا وهناء عملت ليهم الغدا وشاي المغرب بعدها استحمو وطلعو
يوم الخميس المسا عمران جاب عمتو نعمات البيت قالت لينا ابدعتو في البيت ما فيو ولا كلمه هناء قالت ليها ضهرنا انقصى ونحن بنضف😂قالت لينا والله طلعتن بنات فالحات💛
يوم الجمعه الصباح احمد جاب عمتو اميره وابوي رسلني اجيب حاجات العشاء مشيت لي احمد قلت ليو ارح معاي السوق نجيب الحاجات قال لي مشغول ووراو مشوار ما بقدر يمشي(حيي كنت مشتاقه ليك يااخ💔) كلمت هديل تمشي معاي عمتو نعمات قالت لي حمد هسي بجي خلي يمشي معاك اصلا الحاجات كتيره وح تتعبو بالمواصلات قلت ليها طيب قعدت استنيتو مسافه ما جاء ضربت ليو قال لي عندو شغل ورسل عمران بدالو شويه كدا وعمران جاء وطلعنا على السوق دخلنا لفينا زي النحل😂رسلوني بطاطس واسود وعجور وجزر ولحمه مفرومه وجداد(دجاج لغير الناطقين بها😂)وجني مفاصله ما بقتنع بي سهوله يا اما تديني بالسعر العايزاو ولا يفتح الله وبمشي حته تاني بالطريقه دي جبت الحاجات كلها وفضل لي قروش كتيره(بقت نصيبي طبعا بقيت غنيه💃💃👏)
عمران:ما كنت عارف انك مفاصله شاطره
-السوق بطلب كدا لو ما عصرت عليهم ما بدوك السعر الحقيقي وبغشوك طبعا الكلام دا ما بنطبق عليهم كلهم في واحدين اولاد حلال وبخافو الله في تجارتهم ديل الله يوسع رزقهم ويفتح ليهم واسع ابوابو اما التانين ديل الله يهديم بس😴
=خلصنا ولا في حاجه تانيه
-ووبعلي شيلتك الاكياس كلها اديني كيس الجداد امسكو
=تقيل ما بتقدري عليو واصلا قربنا من العربيه
-ما بقدر شنو قايل نفسك براك العندك عضلات كدي اديني الكيس دا هنا😕
