خليل:انت متأكدة من رايك دا؟
-الحاجه الوحيدة المتأكده منها اني عايزة اشوفك مبسوط حتى لو مع وحده تانيه🙂
روان:لي محسساني انو ح يعرس عليك😂
-روان اسكتي مني🙂
عايزة اسألك سؤال واحد
خليل:اتفضلي
-بتحبها؟
روان:يابت اختشي
خليل:ما حب لكن إلفة وتعود
-يعني ما بتحبها زي امي
=ما ح اقدر احب مرا زيها
-خلاص كدا انا اطمنت
قام مشى الجامع وروان ضربت للبنات مكالمه جماعيه نبذوني اول تاني قالن لي بركه العقلتي
هناء:سمرا بتمشي معانا نجيب الشيله؟
-والله دا الفضل امشي اجيب ليها شلتها🙂
رقيه:البت دي لتخه والله
-هوووي ولا بمشي ولا غردي اعملن الدايرات تعملنو اصلا انا وافقت على مضض
هديل:كلام لكن😂
روان:المهم ننجز الموضوع دا سريع عشان سمرا امتحاناتها قربت
-شكرنن على إهتمامكم🙂
هناء:ما تزعلي يابت ما ح تخطف ابونا مننا
-اصبرن بكرة لو ما خلتو يسمع كلامها ويشاكلنا
رقيه:لو بتفهم ما بتعمل كدا زي ما عرسناو ليها بنطلقو منها عادي شديد
هديل:يا بنات متين هي جات لمن بتخططن للكلام دا اتفائلن خير
روان:اي ما تنقن من البدايه
المهم بقن يخططن للموضوع وانا برا الخط دا خالص قلت ليهن ما عايزة حاجه تربطني بيو وبعد تلاته اسابيع بالضبط تم العقد وجات العروس المصون البيت🙂كانو عاملين ليها عشاء استقبال وناس عمي وعماتي واولادهم كلهم قاعدين
حمد:ما مشتاقين
-قول مشتاق ليك مشتاقين دي ثقيله خلاص
=خلاص مشتاق ليك
-كتيير وربي
=تجي نطلع مشوار
-ياريت يااخ ما طايقه ام القعده دي
=خلاص ارح
طلعنا اتفسحنا بالعربيه واتونسنا واشترى لي اسكريم ورجعنا البيت كانو بتونسوا وبشربوا قهوة وانا ما لي فيها مشيت رقدت نمت
تاني يوم صحيت بي صوتها قالت لي تعالي اشربي الشاي طبعا نسيت اوريكم دي ياها المرا زاتها الشفتها واقفه مع ابوي لمن مشيت ليو في المدرسه استاذة انجليزي واسمها مها عمرها تقريبا اربعين يعني لسه شباب
