ابوي صحاني بدري عشان عندي محاضرة الساعه سبعه خشيت استحميت وطلعت صليت وجهزت في الفترة الفاتت ما كنت بركب مواصلات دلع وكدا😂مرات حمد بوصلني ولمن يكون مافيش عمران ولا يوسف ومؤيد برضو كان معاهم فلمن أتحسنت قلت ليهم خلاص بقدر امشي براي واجي بالمواصلات زي زمان طلعت على المحطه انتظرت المواصلات ركبت ومشيت الجامعه كان وصلت بدري قعدت في بنش قريب للقاعه جاتني منار
منار:حمدلله على سلامتك
-الله يقبل حمدك
+بقيتي كيف؟
-زي ما شايفه زي الحصان
+ح تجي العرس صااح
-معقول افوتو علي
+حابه اعتذر ليك عن كل التصرفات البدرت مني بس بجد كنت بغير منك شديد ومفتكرة انو مؤيد بحبك
-والله انت عويرة سااي مؤيد ما شايف وحده غيرك لكن مخك الدكوة دا يعملو ليو شنو😒
+الواحد كن جاء يعتذر تدشري كلامو🙂
-خلاص ما تقلبي وشك😂ح تتحبسي متين
+لسه قدامنا شويه وقت في حاجات ما خلصناها جيت الليله اشيل الشهاده حقتي وكدا كملت مهمتي تجاه اهلي وفضل اعرس مؤيد واحقق حلمي🙈❤
-الف مبروك مقدما وربنا يتم ليكم على خير💛
+الله يبارك فيك وعقبال ما ربنا يعوضك بي راجل يصونك ويختك في عيونو
-لالا ما عايزة ولا عرس ولا شتين
+مجنونه انت في وحده ما عايز تعرس في الدنيا دي😑
-انا القدامك دي
+والسبب؟
-اتأكدت انو ماف انسان بستاهل اخلي بيت ابوي عشانو
+دا كلام خشم سااي بكره يجي الفارس على الحصان الابيض يخطف قلبك ويخليك انت العايزة تعرسي😂
-ما ظنيت لكن ان شاء الله
وقت المحاضرة جاء ودعتها وخشيت اخدتها كانت ظريفه ولا الاصح مزاجي كان رايق طلعت مشيت الكفتيريا اخدت لي سندوتش وعصير وقعدت اكل برا جاني مؤيد
-انت الجامعه دي ما ح تقطع وشك منها يااخي اتخرجت البجيبك شنو تاني😑
مؤيد:صرتي مدفونه هنا عندك اعتراض😒
-لا بجد الجابك شنو؟
=ح اوصل منار ومنها غاشين السوق في كم حاجه لازم نشتريها
-ايواا كويس
=قبيل شفتكم بتتونسو ومن غير مناقرات انت كويسه ختى يدو في جبهتي يشوف عندي حمه ولا عاديه😂قعدت اضحك فوقو قلت ليو الله الست هانم ياداب فهمت انك ما بتحبني وعايز تعرسها هي فقالت تعمل هدنه قال لي ايوا كويس قلت ليو انا قايمه ماشه البيت قال لي اوصلك قلت ليو ماف داعي بقيت بعرف امشي براي قمت اتحرك خطوتين رجلي بقت ترجفي ما قدرت امشي وقربت اقع مسكني وقعدني في الكرسي قال لي اي واضح انك بتعرفي تمشي براك😒(اي لسه مكمله في العلاج لكن كل فترة والتانيه رجلي بترجف براها وما بقدر امشي بيها مسافه تاني بترجع عادي شكلو الحادث بقاها مخستكه😂)
