ياسر كان مصدوم اكتر مني وكأنو ما فاهم الدكتورة قالت شنو بقى يعاين ليها ولي ويتلفت😂قالت ليو عادي بتحصل الصدمه دي من الفرحه مدت ليو كبايه مويه بعد شرب قال ليها يعني ح تجيني بت صغيره حلوه زي امها قلت ليو حيلك حيلك انا ح اجيب ولد😌قال لي لا انا عايز بت قلت ليو انا امو ولا انت قال لي انا ابوها ولا انت الدكتورة قالت لينا روقو شويه😂كلها كم شهر وتعرفو بت ولا ولد ومن هسي مبروك وربنا يقومك بالسلامه قلت ليها اي ادعي لي عليك الله قالو الولاده موت عديل😭قالت لي ما تخافي بتتسهل بإذن الله قلت ليها ان شاء الله وطلعت خلتنا انا وياسر بنعاين في بعض جاء وقف جمب راسي وباسني في جبيني وختى يدو في بطني وقال لي احلى واغلى هديه في حياتي جاتني من احلى زول فيها😍❤كنت فرحانه لمن ببكي احساس ح ابقى ام ويكون عندي بيبي صغيره يحبني واحبو اكتر من اي حاجه في الدنيا الشعور براو كفيل يخليني طايره من الفرح ياسر مسح لي دموعي وقال لي نفسيتك بتأثر علي بتي ما تقعدي تتبكي لي في اي حاجه🙂قلت ليو عايز توريني كيف احافظ على نفسيه ولدي والله دا الفضل وبدينا نتناقش جات سمرا خاشه
رجعتو لي💃:-
ابوي اداني قروش امشي الكفتيريا اجيب لي رقيه عصير وحاجه تاكلها شفت في الممر زول ملامحو ما غريبه علي لكن من اللخمه ما اتذكرتو اشريت الحاجات ورجعت الغرفه لقيت رقيه وياسر بتناقشو واصواتهم عاليه قلت ليهم خير ان شاء الله بقيتي كويسه لمن حسك مرق فسكتو وقعدو يعاينو لي تاني ياسر طلع قلت لي رقيه ما يكون في حاجه قالت لي الدكتورة قالت عندي ورم خبيث في الدماغ وح اموت بعد تلاته شهور😭💔الدم وقف في عروقي والحاجات وقعت من يدي الدنيا دي لفت بي وما قدرت اقيف قعدت في الارض رقيه جات قالت لي ياهبله والله بهظر معاك انا حامل ح تبقي خالتو عن قريب💃كلامها بقى لي حلم حلم ما عارفه اصدق شنو واكذب شنو وهي تضحك ولا همها قمت من الارض شلت المخده وبقيت بدق فيها وبنبذا قلت ليها انت وحده تافهه وواطيه وحقيره وسجم ورمه وعواليق ومتخلفه هسي دا موضوع يهظرو فيو حضنتني وقعدت تبكي قالت لي سمرا انا ح ابقى ام انت مصدقه😭💔قلت ليها لا صدقي وح اتكوني احلى واحسن ام فيك يادنيا عارفه امورها دي عملتها عشان تبكي لكن ما اديتها فرصه مسحت ليها دموعها وناس ابوي جو خاشين وشكلو ياسر ما كلمو سأل رقيه وهي خجلت تتكلم😂قلت ليو كبرت يا حاج خليل وح تبقى جدو بقى يعاين مسافه حتى فرز الكلام وبارك ليهم طلعنا برا ونحن كلنا نتبسم زي الما نصيحين😂ياسر قال يوصلونا ويمشو بيتهم قلت ليو رقيه ماشه معانا وعاينت ليها قالت لي عندي حاجات في البيت بعملها وبجيكم قلت ليها اه يواطيه😂جينا بي محل اسكريم قالت لي ياسر نفسي خشت فيو قلت ليها مركوب جديد الكلام دا لسه بدري عليو😂ضحكنا فيها وياسر قال ليها تكرم عينك ونزل جاب لينا اسكريم ولي روان وهديل برضو قلت ليهم انزلو خلو ناس هديل يباركو ليكم حتى تمشو ونزلنا روان استلمتنا من الباب قالو شنو مالها الحصل ليها شنو قلت ليها ح تبقي خالتو نططت عيونها وقالت لي حامل هديل جات جاريه من جوا زي الصاروخ😂حامل صحي ولا سمعت غلط قلت ليهم فضحتونا ما قلت ليكن ح تبقن خالات تاني في شنو مشو حضنن رقيه وقعدن يبكن قلت ليهن انا من قبيل بسكت فيها عشان ما تبكي جيتو هنا بكيتوها هديل مسحت دموعها وقالت لي دي الفرحه قلت ليهم انتو ناس مركبين بالغلط وقت الفرح بتبكو لي😂قعدنا اتونسنا مسافه تاني ناس رقيه مشو بيتهم
