لاول مرة حسيت في لغه تواصل بينا دخلت تعمل لي الشاي مسافه ما استحميت طلعت لقيتها كوت لي ملابسي وختت الشاي مع البسكويت شربتو وجهزت دعت لي بالتوفيق ومشيت الجامعه كنت متوترة شديد قعدت في البنش وما عارفه اعمل شنو قلت ابكي بس اصلا دا الحل الوحيد العندي غطيت عيوني بي يديني ودموعي جرت
(بتبكي لي هسي)رفعت راسي قلت ليو عمران انت الجابك شنو قال لي جيت اشوفك كيف واحضر المناقشه حقتك قلت ليو انا ما عايزة اناقش شيء راسي شاطب🥺قال لي كدا اتكلمي قدامي وانا بحدد قمت وقفت قدامو وبديت اتكلم بعد خلصت صفق لي وقال ما هدي انت شاطرة قلت ليو برايك ح اقدر اتكلم كدا جوا؟ قال لي واحسن كمان طلع لي من جيبو حلاوة مصاصه حمرا قال لي عشان ما تتوتري ضحكت😂وقلت ليو طيب مؤيد جاء سلم على عمران وقال لي اها كيف وكيف قلت ليو كيفي شوفت وشك بس قال لي بطلي بطلي اها انجزتي قلت ليو في السليم بس حبت توتر قام اداني حلاوة كولا قال لي ح تنفعك قلت ليو شنو الدلع دا الليله😂الوقت جاء ودخلت القاعه وخلاص ما فضل لي الا ابول من الخوف😂لمن جاء دوري جسمي تلج ولا عرفت اقوم من حتتي
هناء:يابت نحن منتظرنك من قبيل ارح قومي
قبلت شفت ماما قلت ليها انت جيتي متين قالت لي نحن هنا من بدري رقيه وهديل وروان كلنا قاعدات ورا قلت ليها وطيب لي ما جيتوني قالت لي عمران قال ما نوترك قلت ليها انتن بتطمنني ما العكس باستني في راسي وقالت لي خلاص قومي قدمتني لغايه المنصه ركبت وبقيت اتفرج في الناس والخوفه الخشت فيني ما طلعت العيون كلها علي بديت اتكلم وتاني غلبني انطق بي حرف قعدت ابكي جاء ابوي حضني وقال لي بتي مالا قلت ليو انا فشلت😭💔قال لي ما فشلتي ولا ح تفشلي امسحي دموعك وانا معاك مسحت دموعي مسك يدي ووقف معاي وبديت اتكلم لغايه ما خلصت ما فكه يدي بعد انتهيت الناس صفقوا لي ونزلنا من المنصه قال لي اها شفتي ما كان تخافي حاجه هينه شديد قلت ليو لمن صحيت وما لقيتك قلت بتكون نسيتني قال لي معقوله انا انسى حاجه تخصك ضميتو علي وقلت ليو الله يخليك لي🥺قال لي ولا يحرمني منك🤲جن اخواتي سلمن علي وشلت سندس
رقيه:ما كنت رهيبه البكا شنو تاني
هديل:بتكون اتوترت بس لكن ابدعتي والله
روان:التوتر بجي من عدم الاكل ما اكلتي صااح
-شربت شاي بي كيك
هناء:كان تاكلي عديل لكن ما مشكله مضت على خير ما يرام
-ما اتخيلتكن تجن😔
هديل:معقول نفوت يوم زي دا علينا
-ما اي وحده فتحت بيت وبقى عندها مسؤوليه اهم مني
رقيه:يابت انت عويره ولا شنو حتى لو مسؤولياتنا كترت انت الاهم عندنا كلنا
روان:نسيتي انك السميرا الدلوعه حقتنا
