رقيه:اقيفو هنا امشي اشوف ناس هناء جو ولا لسه عشان ما نتأخر
وقفت جمب عمران وهو ماسك يدي جريتها منو وقلت ليو انت ما ضربت باركت لي ماسك يدي لي🙂قال لي عشان ما تقعي الحته ما مستويه وانت بقرة ما بقدر ارفعك شلت لي حجر من الارض وفعلتو بيو قلت ليو بقرة انت دا يا سمين يا تور عامل وشك الزي الصاج دا🙂
هديل:انا بقول يمشي معاكم زول كبير عشان بكرة بعد بكره ما يقولو لينا واحد خنق التاني😂
-ما ماشه معاو زاتو راجعه مع ابوي
هديل:ارح مستننا😂
تاني جاء مسك يدي وانا بلاوي فيو قال لي روقي سااي قلت ليو ابيييت وقف وراي وغطى عيوني بي يدو الشمال ومسك يدي اليمين قلت ليو في شنو قال لي امشي بس هسي بتعرفي بقيت ماشه براحه براحه خايفه من الوقعه طبعا😂تاني زحى يدو من عيوني وحسيت بي ضو عالي نور فينا تحت القرمصيص وجع لي عيوني وسمعت صوت موسيقى هادي زي عزف الكمان والشمار كتلني هي في شنو وبس نحن ماشين تاني وقفنا وختى يدينو في نصي قليل الادب قلت ليو هوووي زح كدا جراني عليو وقعد يرقص كانت موسيقى اجنبيه هاديه بتاعت اسلو قلت ليو زح البتاعه دي من وشي عايزه اشوف قال لي لو زحيتيها بكسر يدك قلت ليو اكسرها نشوف🙂جريتها ورا كدا وشوفت عمران ما شاء الله تبارك الله ما عارفه هو بقى حلو ولا عيوني الشافتو سمح🙈لابس الجلابيه مع الشال والطاقيه والعجب لفه العمه ياستااار🙈لكن اللحية تلخم مع انو كان مبشتنها لكن الليلة مظبوطة ورهيييبه شديد اول مرة يعجبني وهو ملتحي عامل زي القرد😂بقيت مقهيه فيو وهو عينو ما رفعها مني قلت ليو هووي مالك حتى انتبه عاينت حواليني واذا المفاجأة ناس ابوي وعماتي واعمامي ومؤيد ومنار ومرام واخواتي ورجالهم كلهم قاعدين والحته مزينه انوار وورد وحاجات واااو شديد والكوشه والفنان قلت ليو دقيقه دا شنو انا مش قلت ما عايزة حفله قال لي وانا عايز على كيفك هو قلت ليو اي وكان على كيفك قال لي شوفي اصلا على كيفي وبالجد الحته كانت رهيييبه شديد الناس البحبهم كلهم قاعدين💛
من احلامي الزمان شديد انو اعمل عرسي في مزرعه ولا في البحر ودا شفتو عند الاتراك طبعا😂لكن بالجد ما قصرو وعملو لي العرس البحلم بيو🥺❤
بعد الغنيه خلصت صوت الزخيرة ما يدك الدرب كنكشت في عمران وقلت ليو ما تزح مني حاوطني وقال لي ما تخافي ما بتجيك حاجه وكل ما صوت الرصاص ماشي زايد وانا مدسيه وراو قام اشر ليهم بيدو ووقفوا ومسك يدي وقعدنا في الكوشه جات رقيه قالت لي عجبتك السبرايز قلت ليها اقسم بالله خطفت قلبي خطرت على بالكم كيف دي🥺قالت لي خليها بالنيه بس😂
الفنان بدا يغني وروان نزلتنا من الكوشه عشان نرقص
وقفت جمب ابوي وحتيتو معاو قرض رقصنا للواطه💃🎶ومع اخواتي وحمد واسامه اسكتو سااي اليوم داك اتفشيت عديل😂
