سمعنا صوت عربات برا وقلبي بقى يدق شديد لمن ما قدرت اقيف روان قعدتني جمبها طلعوا استقبلوهم جاء خاشي ابوي مع عمي عبدالله وعبدالرحمن وعمتو اميره ونعمات واسامه واحمد💔وعمران الرجال قعدو في الحوش والنسوان في الصاله ما كنت قادرة اتحرك من محلي هديل قامت ساعدتهم في الضيافه في بت نادتني مشيت معاها لي عزة قالت لي ناس احمد جو اها طالع كيف حلو مش قلت ليها ما ركزت معاو وطلعت اتخنقت شديد يعني هي قاصده البتعمل فيو دا💔قعدت برا ودموعي خلاص على وشك تنزل رقيه مسكتني من يدي وقالت لي انت اقوى من كدا اخدت نفس وبقيت بعاين للناس كلهم فرحانين وخالتو سعاد ما مديه فرحتها لي زول شويه كدا وقالو نادو العروس جات عزة طالعه ومعاها صحبتها كانت لابسه فستان كبدي بي طقمو سلمت على عماتي وقعدت تاني ابوها سألها من رايها قالت موافقه
روان:الوحده بتخجل وبتقول ما عندي راي بعد رايك يا ابوي😒
هديل:برري من قوه عينها🙂
رقيه:فرحانه يعملو ليها شنو😑
-بنات بطلو حركات الخساسه دي😂
روان:انا بي مرادي اقوم اخنقها هسي🙂
-من متين نحن بنغير من بت ولا بنحسدها الكلام دا ما صااح منك
هديل:البت دي خطفت راجلك لو انت مستوعبه
-لو كان بجد راجلي ما كان قدرت واحده تخطفو مني هو من البدايه ما كان بتاعي ما نكذب على نفسنا
الرجال اتكلموا واتفقوا وحددوا العرس كمان عمتو اميره شالت الدبله عشان تلبسها لي عزة قالت ليها خلي احمد هو اليلبسني ليها عاينت ليها بطرف عينها وقالت ليها الرجال قاعدين يخليهم عشان يلبسك الدبله قالت ليها ماف فيها شيء وخالتو سعاد قالت ليها مش خطيبها خليو يجي يلبسها سااي نادو احمد وجاء قامت ادتني التلفون وقالت لي صوري اللحظه التاريخيه دي عشان ح تبقى لينا ذكرى هديل شالت التلفون من يدي وقالت ليها تلفونك كميرتو خرا لمن تعملي ليك تلفون زي الناس اتصوري😒ادت صحبتها وصورتهم وانا قلبي فقد الاحساس عديل قلت لي روان ارح وديني البيت ما بقدر استحمل اكتر من كدا عزة قالت لي سمرا ح تمشي من غير ما تباركي لي ولا غيرانه😏قلت ليها لا العفو بس راح عن بالي مشيت قلت ليها الف مبروك وربنا يتم ليكم على خير وان شاء الله بيت مال وعيال قالت لي اي الله يتم لينا على خير ويحمينا من عيون الحساد😏رقيه قالت ليها انت لو قلتي بسم الله تاني حاجه بتجيكم ماف🙂قالت لي ما باركتي لي احمد عاينت ليو مسافه وقلت ليو ربنا يسعدك وتكون راجل قدر المسؤوليه قالت لي ما تخافي علينا ح نكون احلى اتنين قلت ليها ان شاء الله وطلعت منهم لقيت اسامه واقف برا وشغال بتلفونو مريت بي جمبو ضو فيني وقال:سمرا اقيفي
-نعم ياسمسم
=دا عبط شنو البتسو فيو دا انتو نصاح
-اسأل اخوك هو العايز كدا
