مشيت المطبخ فتحت التلاجه كان في زبادي وجزر وعجور قلت اعمل لي سلطه روب شلتم نضفتم وغسلتم وكبيت ملح ولخبتم وشطه وحبه فلفل وبقت جاهزه(اشكروني علمتكم كيف تعملو سلطه روب🙈👋) تاني جبت الطعميه هرستها وختيتها مع السلطه وجبت اندومي كسرتو ودخلتو في الجوطه دي لكن اقسم بالله حاجه رهيييييبه شديد💛ركبت في المصطبه وقعدت اكل شفت عمران ماشي في الصاله
-كوماندو حلفتك كان جيت
عمران:عايزة شنو؟
-شوف المسيخ دا قلت ليك تعال😒
جاء قلت ليو اديني عيشه لانو فوق وما قدرت احصلو(ياحليل زمن العيش راقد وقت ما عايزين😢💔)اداني الكيس وعايز يطلع قلت ليو عليك الله تعال ضوق والله سمحه شديد قال لي لغاويسك دي ما بتنفع معاي😴قلت ليو جرب ما بتخسر حاجه بقى يعاين مسافه تاني شال ليو لقمه وعرفت من ملامح وشو انو عجبتو شديد لكن ابى بعترف العولايق وتاني شال لقمه وتاني شال قلت ليو حيلك حيلك انا قلت ليك ضوق ما اكل معاي يلا اتخارج سريع😕
(حقيره مش😂)قال لي ما سمحه زاتو وطلع قلت ليو اي ما سمحه لمن ريالتك صبت بالغلط😒بعد شبعت لقيتا فضلت كتيره شديد قمت كبيت ليو في صحن مشيت خشيت توووش لقيتو قالع عايز يغير ومن الخلعه لمن قربت اقع وانا راجعه(لو سمحتو يعني اي زول اي زول لمن يجي خاشي غرفه ما حقتو يدق الباب عشان ما تخشو في فتيل زي💔)
ختيت الصحن في الارض وجريت الحوش قعدت اتونست مع ناس عمو شويه ومنها نمت
تاني يوم مشيت الجامعه براي لانو عمران طلع بدري عندو شغل لقيت مؤيد سلمت عليو وقعدنا شويه منها دخلت امتحنت وطلعت ما كان نفسي ارجع البيت وما عايزة احوم براي قمت مشيت لي رقيه في المؤسسه لقيت ياسر قال لي الليله ما جات قلت ليو غريبه امبارح كنت بتكلم مع هنويه ما قالت لي عيانه قال لي ضرب ليها كذا مره ما بترد عليو قلت لي انا بمشي اشوفها واطمنك قال لي خير وطلعت على البيت لقيتها قاعده مع عمتو نعمات
-مالك ما مشيتي الشغل؟
رقيه:سااي ما عايزة امشي
-ياسر سأل منك عشان ما جيتي
+وما يسأل اعمل ليو شنو انا😕
-المضايقك شنو؟
+حشري جنو يتدخل في حاجات ما بتخصو هو قايلني مسجله بي اسمو لمن يتحكم فيني
-تصرفاتو ما قصدها انو يتحكم فيك بكون عايز يوصل ليك معلومه
+ما عندو لسان يتكلم بيو وانت بتدافعي ليو لي😒
-بدافع ليو لاني فاهمه تصرفاتو
+سمرا اقفلي الموضوع دا عليك الله ما جيت هنا عشان اتكلم فيو
-ح تقعدي هنا يعني
+اي كلمت ابوي بقعد يومين ولا تلاته لغايه ما ارتاح وبنزل الشغل الاسبوع الجاي
