-عمران انت مجنون كسرتها لي
عمران:انزلي امشي عليها
-امشي كيف بتكون اتشلت😒
نعمات:يابت بطلي دلع وانزلي
-انا ما بتدلع على فكره شكلها بالجد اتشلت عشان ما حاسه بيها😢
مسك رجلي ونزلها الارض وقام جراني مشيت كذا خطوه قال لي ما اتشلتي ولا حاجه
-معجزة والله معجزه🙈
نعمات:مستهبله دي😂
-انا ماشه اغير ملابسي دي اتوسخت(الحقيقه ميته خجل وعايزة اجري بس😂)مشيت ادوشت تاني وغيرت بي بنطلون وتشيرت دخلت المطبخ لقيت الغدا لسه عليو شويه حشيت لي سندوتش جبنه وفتحت التلفزيون بقيت افتش في القناه البحضر فيها المسلسل ما لقيتها
-عمتو ما عندكم قناه الفجر
نعمات:برري والله ما عارفه خلي عمران يشوفها ليك
والله فتشتها قناه قناه ما لقيتها نزلت التردد من قوقل لكن ما عرفت انزلها كيف
-كوماندو....كوماندو
عمران:معاي انا
-في واحد هنا كوماندو غيرك
=عايزة شنو
-نزل لي القناه دي
شال الريمود وقعد يطبز ونزلها والله قمت ارقص من الفرح💃👏
-اريتك انت لا تفوت لا تموت تتعلى وما تدلى اختك وين انا😍
قلعت الريمود منو والمسلسل بدا عليت الصوت وقلت ليو اقعد احضر معاي حلوه والله
"""""""""""""""
رقيه:بعد خلصت دوام مشيت بيت ناس ملاذ اشوف خالتو امل لو عايزة حاجه
لقيتها قاعده براها فتحت لي الباب دخلنا جوا وقعدنا نتونس شويه كدا
-خلوك براك لي
امل:اي زول مشى شاف بيتو وين
-بت عم ملاذ صفيه ولا منو دي ما قعدت معاك لي
+قعادها اخير عدمو ما بتعمل لي شئ لو الوسخ قاعد يطبز عينها بتشوتو بي كراعها وتمش
-جني وجن البت الوسخانه المرا دي محل تمشي بتربط توبها في نصها وتشتغل ما بتقول دا بيتي ولا بيت منو
+الكلام دا كان زمان هسي وين البنات البعملو كدا😴ياسر الصباح قال بجيب لي وحده تنضف البيت لكن شكلو نسى مع زحمه الشغل دي
-اي الليله كان مشغول شديد بعدين البيت ما وسخان شديد هسي بنضفو قالت لي لا يابتي ما تتعبي نفسك قلت ليها انت بتقولي بتي تاني ما فضل فيها تعب قمت خشيت المطبخ لقيت باقي عده غسلتها ورشيت الحوش وقشيتو ومسحت الغرف وبخرتها فضل غرفه ياسر بس كنت متردده انضفها ولا اخليها قلت طالما نضفت البيت كلو انضفها معاي برضو لميت ملابسو الجادعها في السرير(همجي خلاص😒)ختيتها في الغساله ورتبت مكتبو ومسحت الارض وبخرت الغرفه طلعت برا لقيتو قاعد مع امو
