لبستو وقلت ليها لا دقيقه هو فلان دا منو الجاء اتقدم لي قالت لي ارح عشان تشوفي بعينك وتقتنعي قلت ليها طيب هو منو قعدت تضحك وقالت لي ارح بس اتلفلفت زين وطلعت برا واذا بي عمران وعمو عبدالله قاعدين مع ابوي اتسبرزتو صااح ما اكتر مني😂
وت وت وت الجاب الكائن دا هنا شنو والله اتوقعتو هلال ولا حمد وقد خاب ظني😔
خليل:تعالي يا سمرا
-حاضر يا ابوي
مشيت قعدت جمب عمو عبدالله قال لي بتي السمحه الليله جيت عشان اسوقك معاي قلت ليو تسوقني وين قال لي تمشي معانا بيتنا وتقعدي على طول بقيت بعاين لي ابوي قال لي ود عمك دا جاء وطالبك مني، والقريب اولى من الغريب انت قلتي شنو عمو قال لي سمعنا موافقتك لكن عايزين نتأكد وانا خشيت في ضفوري من الخجل وما قادرة اشرح ليهم موقفي الموافقه دي كانت للمسلسل بس قاعده ومنططه عيوني مها قالت ليهم البت بتكون خجلت عمو قال ليها على بركه الله نقرا الفاتحه وقروها كمان🙂اتكلموا وحددوا العرس قلت لي ابوي دقيقه اول عايزة اتكلم مع عمران ونتفق على كم حاجه قال لي خير ما عندك مشكله قلت ليو طيب طبعا خطوة زي الزواج دي ما حاجه هينه الواحد ممكن يقررها في يوم وليله
عارفه كلكم عايزين تعرفو مشاعري تجاه عمران في الحقيقه حتى انا ما عارفه بحس تجاهو بشنو بس لمن اكون معاو ما بخاف من حاجه لانو متأكده مستحيل يسمح يحصل لي شيء يعني بالمختصر بحس معاو بالامان وانا بعتقد انو الامان اهم من الحب بي كتير
دخلت جوا لقيت تلفوني بضرب وكانت ماما
هناء:صحي السمعتو دا
-انت سمعت شنو
+يوسف قال لي عمو عبدالله وعمران مشو يتقدمو ليك
-والله انا زاتي ما كنت عارفه اتخلعت بيهم وحتى قرو الفاتحه وحددوا العرس
+كضابه والله متين هو
-برري لكن ما هسي بعد اتخرج
+طيب كويس بكرة تعالي لي عايزة اتكلم معاك
-طالعه مع عمران
+في شنو
-في حاجات كتيرة عايزة اسالو منها لانو طبعي دا ما اي زول بقدر يتحملو😴
+خير بعد تخلصو تعالي لي في البيت
-حاضر
قفلت منها كدا خشت لي مكالمه من رقيه قلت ليها سمعتي الشمار من وين قالت لي شمار شنو انا ضربت اقول ليك تعالي اشربي معاي الجبنه قلت ليها ايواا يعني ما عارفه قالت لي الحصل شنو قلت ليها تخيلي عمران جاء اتقدم لي قالت لي كضابه والله قلت ليها انا زاتي ما مستوعبه قالت لي اها انت قلت شنو قلت ليها انا اتسمبكت كنت بحضر في المسلسل والبطل اتقدم للبطله ومن حماسي قلت موافقه وناس ابوي برا سمعوني وافتكرو الموافقه دي تابعه ليهم وما قدرت اشرح ليهم الموقف قعدت تضحك لمن اشرقت قلت ليها تافهه والله قالت لي ما عجبني ليك لكن البركه في المسلسلات التركيه البتحضريها دي جابت لي عريس كااارب قلت ليها عريس في عينك خليني في مصيبتي دي قالت لي مصيبه شنو احسن من عمران بتلقي وين قلت ليها عمران خاطب بت خالتو عبير لو متذكرة😑قالت لي انت من زمنها عبير زمان عرست واحد زميلاها في الشغل وهسي ما بعيد تكون حامل قلت ليها كضابه والله قالت لي لو بترخي اضانك ما كان الشمار دا فاتك قلت ليها برري يطرشني كان عرفت لو ما كلامك دا قالت لي يازولة استخيري عمران دا راجل ما بتفوت قلت ليها ما بختلف معاك انو مهذب ومؤدب لكن انا بخاف منو يااخ🥺قالت لي تخافي منو لي بياكل الناس😒قلت ليها خايفه بعدين اقل ادبي واطول لساني العايز قص دا يقوم يديني كف يغير لي ملامح خلقتي😔قعدت تضحك وتصفق قالت لي نوعية عمران ديل ما بدقو نسوان لكن انت لمي لسانك عليك عشان ما يفقد سيطرتو على نفسو قلت ليها ادعي لي بس قالت لي اتوكلي على ربنا وما بحصل الا كل خير قلت ليها ونعمه بالله وقفلت منها
