تاني الطيارة اتحركت وانا قربت ادوخ ما اول مرة لي😂والعجب لمن طلعت روحي بقت معلقه فوق ولمن نزلت هبطت معاها اقسم بالله عملت لي عمران جنس درامات بس الحمدلله😂في المطار استقبلونا اتنين اصحابو سلمو علينا ومشينا الاوتيل(فندق يا جماعه😂)اسمو راديسون بلو ووترفرونت اسمو طويل حتى انا غلبني😂المهم عملنا تشك✔على الحجز وشلنا البطاقه
-لو فيها اصانصير انا ح انوم في الكنبه دي
واشرت على وحده في الاستقبال اصحابو ضحكو فيني وقالو لينا نحن ماشين نتلاقى بعدين ومشو عمران قال لي انت عارفه ح نركب كم سلمه قلت ليو احسن لي من الكتمه وضيق النفس مشينا وجاده عايزة اركب بالسلم قال لي تعالي وما تخافي قمت اتذكرت في مسلسل تركي لما البت بتركب الاصانصير لاول مرة في حياتها لكن معاو وداك💋 عشان يخفف توترها وقعدت اتبسم براي وركبت معاو لكن كنت خايفه خوف يرمينا ولا نعلق جوا😂اتشهدت وغمضت عيوني تاني اتحرك ومسكت في قميصو قوي رفع لي راسي بأطراف اصابعو وقال افتحي عيونك وعايني لي قلت ليو ما قادره قال لي افتحيهم قلت لي لا قال لي ميسون قمت فتحت وحده بس قعد يضحك فيني قال لي شايفه ما حصلت حاجه وانت كويسه اخدي نفس فتحتهم الاتنين ولمن لقيت الحته ضيقه كيف ما قدرت اقيف وقعدت اتجنن فيو عمران طلعني والله بموت...ما قادرت اتنفس...وقف الشي دا...واااي يا ابوي...وراسي لفى واترتحت مسكني وقال لي ميسون ما تقفلي عيونك خلاص وصلنا والزفت دا فتح ما صدقت طلعت منو قعدت في الارض وبكيت😂قومني وقال لي خوافه دي ارح ارتاحي فتح الباب وختى الشنط وانا دخلت ودي ما غرفه دي جنه عديل بالنسبه لي فنادقنا😂حاجه كدا في منتهى الرهابه والوووبعلي بقيت بتفرج وفاتحه خشمي مترين😂رقد في السرير وانا بقيت حايمه في الغرفه زي النحله قال لي ارتاحي عشان بعدين طالعين قلت ليو ماشين وين قال لي عاملين لمه انا واصحابي قلت ليو عمران دقيقه انت جاي شهر عسل واصحابك معاك🙂قال لي نحن التلاته جينا سوا بس هم جو قبالنا قلت ليو عاملين شهر عسل جماعي قال لي ممكن تقولي كدا قلت ليو دا شنو الجن والغباء دا شهر العسل بمشيو الزول مع شريكو بس هسي ح نترتاح كيف قال لي ما قاعدين معانا في الغرفه قلت ليو ظريف دا🙂دخلت ادوشت وما صدقت لمن لقيت الروب الابيض داك البجيبو في المسلسلات😂طبعا اكبر مني طلعت لي عمران قلت ليو شوفو حلو فيني كيف قعد يضحك قال لي اتوضي المغرب والعشاء فاتونا قلت ليو حاضر شلت تلفوني اتصورت قدام المرايه وعملت فيديوهات هبله شديد حتى اتوضيت وصلينا تاني رقدت نمت
لمن صحيت شكلو الشمس يادابها شرقت لانو كان المنظر رهيييب شديد لقيت عمران حاضني ونايم عريان كالعاده😂قبلت عليو وبقيت بتأمل ملامحو ما عارفه لي بقى لي حلو حلو🙈قمت من جمبو براحه اتوضيت صليت وشلت تلفوني دخلت رمز الواي فاي وبقيت بحضر عااد ما لاقياو ملح😂وشكلو صحى بي صوت ضحكي ختيت التلفون في الشاحن وقلت ليو انا جيعانه قال لي لسه ما طلبتي اكل لي؟قلت ليو اكل واخليك يعني قال لي اطلبي لينا مسافه اصلي واجي قلت ليو حاضر دخل الحمام وانا ضربت لي بت الاستقبال قعدت ترطن لي بالانجليزي عايزة تدخلني في حتات ضيقه😂بعد تعب حتى فهمت انا عايزة اكل قالت لي عشرة دقايق وبصلكم
