Wonderland Magical Academy: Escaping Darkness

Chapter 33: Lost in the Darkness

XYRA

Naalerto kami ni Xavier nang unti-unting bumukas ang pinto ng silid na kinaroroonan namin. Natigilan kami nang pumasok si Jeanne sa loob ng silid. Mag-isa lang siya. Agad na lumapit sa 'kin si Xavier. He was trying to guard me. Nag-aalala ako para kay Clauss. He can't handle the dark king on his own. Tiyak na masasaktan lamang siya. Kasalanan ko kung bakit nangyayari ang mga ito.

Kahit sabihin kong ibigay na nila ako sa mga kaaway, alam kong hindi sila papayag. Pero ito lang ang tanging paraan para hindi sila masaktan. Nasasaktan din ako para sa kanila.

"Your power will not work on me," seryosong sabi ni Xavier. Xavier was trying to protect me. Wala man lang akong magawa upang tumulong ako sa kanila. All I could do was helplessly watch them fight.

"I know. But I don't need to use my power. You're weak with physical assault and attacks," seryosong sabi ni Jeanne. May inilabas siyang dalawang matalim na black dagger. "I'll use my strength," saad niya. Kinabahan ako sa sinabi ni Jeanne. She really prepared for this.

"Xavier, you don't have to fight her. Baka masaktan ka lang. Just let me go," nag-aalalang wika ko. Kakaiba ang aura ni Jeanne ngayon. Halatang handa siyang gawin ang lahat makuha lang ako.

"No. Tiyak na magagalit si Clauss kapag nakuha ka nila," seryosong sabi ni Xavier. "And I've been trained to fight using my barehands. There's no need to worry," saad niya. 

I looked at Jeanne's direction. She's grinning mischievously. Halatang may binabalak siyang masama. Kinabahan ako nang unang sumugod si Jeanne. She ran towards Xavier while holding two daggers on each hands. Bigla siyang nawalang parang bula sa harapan ni Xavier. Napasinghap ako nang sumulpot sa likod ni Xavier si Jeanne. Akmang sasaksakin na ni Jeanne ang tagiliran ni Xavier nang harapin ito ni Xavier at mabilis na pinigilan. 

"I can sense your presence," Xavier said seriously. Mahigpit na hawak ni Xavier ang wrist ni Jeanne pero hindi natinag si Jeanne. She used her other hand to attack Xavier. Agad na tumalon palayo si Xavier upang umiwas sa kanya.

Lumingon sa 'kin si Jeanne at tiningnan ang handcuffs sa mga kamay ko. "So your power is sealed. Now, I get it," she said. "But I have to take care of this man first," she almost whispered as she looked back to Xavier.

Xavier didn't prepare any weapons. Hindi namin inakala na lalaban si Jeanne nang mano-mano. Hindi nag-aksaya ng oras si Jeanne. Muli siyang nawala sa kinatatayuan. Sumulpot na lang siya bigla sa harap ni Xavier. She was persistent to cut him. Napigilan ni Xavier ang marahas na pag-atake ni Jeanne at tumalsik ang hawak nitong dagger sa sahig. Isang malakas na suntok ang pinakawalan ni Jeanne sa sikmura ni Xavier upang makawala siya sa pagkakahawak ni Xavier. Napaurong si Xavier. May isa pang dagger sa kamay ni Jeanne na pinaglalaruan niya.

Isang itim na usok ang pumalibot sa nahulog na dagger sa sahig. Kusa itong lumipad patungo sa kinaroroonan ni Xavier. Mabuti na lang nailagan niya ito. Pero ang nakakainis ay patuloy na inaatake ng dagger si Xavier sa pamamagitan lang nang pagkumpas ni Jeanne ng kanyang kamay.

Napapunta si Xavier sa sulok. He was cornered. Mabilis na lumipad patungo sa kanya ang dagger. Mabuti na lang naiwasan niya ito. Malalim na bumaon ang dagger sa pader.

Hindi naman nag-alala si Jeanne pero hinayaan na lang niya ang dagger sa pader. Nawala siyang parang bula sa kinatatayuan at muling nagteleport sa kinaroroonan ni Xavier. Nagpakawala si Jeanne nang malalakas at sunud-sunod na suntok at sipa kay Xavier. Halos mapaawang ang labi ko dahil sa bilis ng pagkilos nilang dalawa. Patuloy naman sa pagsalag si Xavier sa mga atake ni Jeanne. Halos manlaki ang mga mata ko nang makakuha ng pagkakataon si Jeanne upang saksakin si Xavier.

Nadaplisan ang tagiliran ni Xavier at napansin ko ang dugo na lumabas mula roon. Napangisi si Jeanne nang magawa ang gusto. Nagtaka ako dahil napaluhod si Xavier. Tuluyan siyang bumagsak sa sahig sa hindi ko malamang dahilan. Tila naging paralisado ang buong katawan niya.