INDO A BIRNI

*Sauyin Rayuwa*
*Nasmah ko Nasirah*
*Sara da Sassaka*

*D̸͟͞e̸͟͞d̸͟͞i̸͟͞c̸͟͞a̸͟͞t̸͟͞e̸͟͞d̸͟͞ t̸͟͞o̸͟͞*

*Aunty fauza ƴar Amana*

Uwa mabada Mama ƙaunar ki daban take gareni domin keɗin shugaba ce dake Adalci ga duk na ƙasa dake.
  Allah yabar ƙauna.

*S͢p͢e͢c͢i͢a͢l͢ G͢i͢f͢t͢ t͢o͢*

*Aunty Hauwa Maman Uswan*

Ina roƙar Ubangiji daya Albarkaci Rayuwar zuri'ar ki baki ɗaya 🙏🏻

*بسم الله الرحمن الرحيم*
____________________________________

*🌈KAINUWA WRITERS✍🏼 ASSOCIATION*🤝🏻
'''{United we stand and succeed;Our ambition is to entertain & motivate the mind of readers}'''
https://www.Facebook.com/kainuwawritersassociation
____________________________________

  *P*•••••2️⃣3️⃣ ➡️ 2️⃣4️⃣

"kin san me kika aikata kuwa, ki duba kiga yanda jikin wannan baiwar Allah ke rawa, ko kin manta da cewa tana da Hawan jini, so kike ki kasheta, idan mala'ikan bai kasheta ba, aike zaki kasheta, wani irin haline dake wannan, da baki san Wanda ke miki Alkairi ba, tsuka yaja tare da juyawa yayi kan Innah, gani yayi jikin Innah ya sake, da sauri ya kai kunnen sa kan ƙirjin Innah, ajiyar zuciya ya sauƙe jin suma tayi, juyowa yayi ya finciko Indo gaban Innah, Yace, gashi kin kasheta ai kin huta, shikenan Hankalin ki ya kwanta.

  Zaro ido Indo tayi, sai kuma ta fashe da kuka, tana Cewa.

  " Innah ki tashi dan Allah karki mutu, Wlh wasa nake miki, ya Habibu ka tashe ta dan Allah, wayyo Allah na shiga Uku na kashe Innah, shikenan yau kuma ni Indo na shiga Uku, sai kuma ta zauna daɓas a ƙasa, tana cewa,
  *Shikenan Babu ni Babu  cin taliyar turawa tunda Innah ta mutu, Babu mai bani kuɗin kashewa na jawa kaina Asara, ni Wlh da akwai mai maye mini gurbin Innah bazan yi wannan kukan ba, wayyo Allah na, taliya ta kam shik.........*

  Tsawa Habeeb ya daka mata tare da cewa.

  " Rufe min baki, dallah dame zanji da ita Innah zanji koda masifar kukan ki, na banxa.

  Shuru Indo tayi tare da gallawa Habeeb harara, sai kuma ta tashi ta koma gefe ta zauna, tare da tsurawa Habeeb ido daya ɗauki ruwa yayi kan Innah.

  Yayyafawa Innah ruwa Habeeb yayi, kafin Innah taja numfashi mai nauyi, a firgice ta farka tana kalle kalle.
  Tausayi Innah ta bawa Habeeb gani yanda take leƙe leƙen cikin ɗakin, cikin taushin murya Habeeb yake ce mata.

  " Ki kwantar da hankalin ki, Innah mafarki fa kikayi, ba wani mala'ikan mutuwa daya zo cikin ɗakin nan, ki daina razana dan Allah.

  Cikin rawar murya Innah ke cewa.

  " Wlh Habibu ba mafarki nake ba, na ganshi cikin ɗakin nan, yace raina zai ɗauka, kuma Wlh bana son na mutu yanxu, ka tashi kawai Habibu mubar gidan nan, nikam na yafe zaman gidan nan.

  Ikon Allah cewar Habeeb.

  " Haba Innah nace miki mafarki kikayi ko, ga car INDO ki tambaye ta, kiji, itama ihun da kike cikin Bacci ya sata tashi, kinganta can kinsa itama ta kasa bacci kiyi addu'a ki kwanta ta ɓangaren daman ki, babu wani mafarki da zaki ƙara yi.

  Saurin kallon Habeeb Indo tayi ganin ya ɓoyewa Innah cewa itace ta mata wannan aikin, sai kuma ta sunkuyar da kanta, ƙasa tuno yanda jikin Innah yake rawa, tana kokarin maida dariyar ta, cikin ta, kar Habeeb ya ƙara jin haushin ta.

  " Shikenan Habibu, Indo kixo mu kwanta, amma dai nasan Baccin yau kam na rasashi dan ba iyawa zanyi ba, karna kwanta na ƙara wannan mungun mafarkin.