INDO A BIRNI

👸🏻  *mᎪKᎪmᎪᏒ ᏦᎪᎥᏁuᎳᎪ*👸🏻

*Marubuciyar*

*Sauyin Rayuwa*
*Nasmah ko Nasirah*
*Sara da Sassaka*

*D̸͟͞e̸͟͞d̸͟͞i̸͟͞c̸͟͞a̸͟͞t̸͟͞e̸͟͞d̸͟͞ t̸͟͞o̸͟͞*

*Aunty fauza ƴar Amana*

Uwa mabada Mama ƙaunar ki daban take gareni domin keɗin shugaba ce dake Adalci ga duk na ƙasa dake.
  Allah yabar ƙauna.

*S͢p͢e͢c͢i͢a͢l͢ G͢i͢f͢t͢ t͢o͢*

*Aunty Hauwa Maman Uswan*

Ina roƙar Ubangiji daya Albarkaci Rayuwar zuri'ar ki baki ɗaya 🙏🏻

*بسم الله الرحمن الرحيم*
____________________________________

*🌈KAINUWA WRITERS✍🏼 ASSOCIATION*🤝🏻
'''{United we stand and succeed;Our ambition is to entertain & motivate the mind of readers}'''
https://www.Facebook.com/kainuwawritersassociation
____________________________________

*P*•••••••2️⃣9️⃣ ➡️ 3️⃣0️⃣

Sha biyu dai-dai su Momy suka iso cikin ƙauyen DASINA, cincirindon mutane, suka hango sun taru, daga nesa Momy ta hango yara biyu tsakiya sai famar dakuwa suke yi, Daddy ne yace direba yayi parking, parking yayi, ko kafin Daddy ya fito Momy ta rigasa, cikin sauri ta karasa wajen, Indo ce da Garba suke famar dakuwa, yayin da Indo tayiwa garba duka, ta ɗane ruwan cikin sa, sai dukan sa, take.

  " Subhanallah Momy ta furta, tare da kamo hanun Indo da niyar janyeta daga jikin Garba.

Ƙwace hanunta Indo cikin masifa tace.

  " Babu ruwan ki dani, ki barni naci ubansa, wlh ko gaba aka ambaci sunana saika gudu.

Kallon mamaki Momy ke bin Indo dashi, yarinya ƴar ƙarama da ita, ta dage sai dukan ƙaton namiji take, cewa Momy tayi.

" Haba baiwar Allah, kina mace kina faɗa da namiji, ki tashi kansa nace, wannan ai rashin Hankali ne, wawiya kawai, kina mace kin zauna sai kokuwa kike da namiji.

  Indo dai taƙi ɗaga Garba Kuma a hakan take yiwa Momy tsiwa.

  " Ni dai wlh ba wawiya bace, kiji mata dai, daga zuwan ki, baki san meya haɗamu ba, ki hau zagina, shi namijin cewa akayi mace baza tayi faɗa dashi ba, ni bana son shishshigi, kuma niba marar Hankali bace, da hankali na ehhe😏.

Salati Momy ta ɗauka tare da riƙe baki, tana jinjina fitsaranci irin na wannan yarinyar, gaskiya ita tunda Uwar ta, ta haifeta bata taɓa ganin marar kunyar yarinya irin wannan ba, a take a wajen tsanar Indo ya ɗarsu a zuciyar momy.

Ƙara sowa Daddy sukayi shida Ishaq, yana Cewa.

  " A'ishah yaya dai, muna jiranki mun jiki shuru, har yanzu basu rabu bane.

Kaɗa kanta Momy tayi tace, waɗannan ba masu rabuwa bane, Alhaji muje kawai.

  " A'a A'ishah ya zakice haka, baki rabasu ba dai, ƙarasawa Daddy yayi, ya kama, hanun Indo yace, tashi a kansa kinji ƴata, babu kyau faɗa, maza tashi.

  Kallon Daddy Indo tayi sai kuma ta tashi akan garba tana nunasa da yatsa tana cewa.

   " Daga kai har Zainabu munafukar data turo ka, sai naci ubanku, ka faɗa mata itama saura ita, ba ita bane munafuka, har zata zugaka, tace maka munyi sadaka da mintin ka, to munyi sai axo a daure mu.

  Jan Hanun ta Daddy yayi ya fitar da ita daga wajen yace maza tafi gidanku kiyi hkr ya isa haka, Momy dai bin Indo take da kallon mamaki da kuma tsana, harta bacewa kallonta, jin ihun yara da sukayi suna cewa, jama'a Indo ta kashe garba baya motsi wlh, da sauri su Daddy suka ƙarasa kan Garba, da gudu wani yaro ya tafi kiran baban Garba, taɓa ƙirjin Garba daddy yayi, yaji ai suma yayi, ana haka mahaifin garba ya iso wajen, masifa yage da zage-zage, dakatar dashi daddy yayi yace.