INDO A BIRNI

🏻💅🏻💅🏻💅🏻

             *I͓̽N͓̽D͓̽O͓̽ A͓̽ B͓̽I͓̽R͓̽N͓̽I͓̽*
                      💅🏻💅🏻💅🏻💅🏻

               *Na*

*r̸a̸s̸h̸e̸e̸d̸a̸t̸ u̸s̸m̸a̸n̸*

  *(մʍʍմ ηαςʍα)*

            👸🏻  *mᎪKᎪmᎪᏒ ᏦᎪᎥᏁuᎳᎪ*👸🏻

*Marubuciyar*

*Sauyin Rayuwa*
*Nasmah ko Nasirah*
*Sara da Sassaka*

*D̸͟͞e̸͟͞d̸͟͞i̸͟͞c̸͟͞a̸͟͞t̸͟͞e̸͟͞d̸͟͞ t̸͟͞o̸͟͞*

*Aunty fauza ƴar Amana*

Uwa mabada Mama ƙaunar ki daban take gareni domin keɗin shugaba ce dake Adalci ga duk na ƙasa dake.
  Allah yabar ƙauna.

*S͢p͢e͢c͢i͢a͢l͢ G͢i͢f͢t͢ t͢o͢*

*Aunty Hauwa Maman Uswan*

Ina roƙar Ubangiji daya Albarkaci Rayuwar zuri'ar ki baki ɗaya 🙏🏻

*بسم الله الرحمن الرحيم*
____________________________________

*🌈KAINUWA WRITERS✍🏼 ASSOCIATION*🤝🏻
'''{United we stand and succeed;Our ambition is to entertain & motivate the mind of readers}'''
https://www.Facebook.com/kainuwawritersassociation
____________________________________

*P*••••••7️⃣1️⃣ ➡️ 7️⃣2️⃣

Sosai Indo take dariya tana murnar wayar da Habeeb ya bata domin kuwa tana mungun son waya, kallon Habeeb Indo tayi cikin dariya tace.

" Ya Habeeb na gode sosai Allah ya saka da Alkairi, ya Habeeb kamin abubuwan Alkairi da yawa cikin rayuwata, kaine mutum na farko daka fara kawo min haske cikin rayuwata, har abada bazan taɓa mantawa da Alkairin ka gare ni ba, ina roƙon ubangina daya bani ikon kyautata maka nima, duk da nasan bazan taɓa biyanka Abunda ka min ba."

Sosai Habeeb yaji daɗin yanda Indo tayi farin ciki da wannan kyautar daya mata, murmurshi yayi cikin jin daɗin ganin farin ciki kwance fuskar ta yace.

" Karki ƙara min godiya danna miki wani abu, haƙƙi ne a kaina na miki, nidai fatana karki taɓa cire wannan zoben daga hanunki domin kuwa yana da matukar muhimmanci a rayuwata, ke bazaki gane muhimmancin saba sai nan gaba kaɗan, kimin alƙawarin cewa duk sanda na sanar dake manufata ta baki wannan zoben zaki amshi buƙatata kimin alƙawarin cewa bazaki kula ko wani Namiji ba da sunan SOYAYYA"

Dam! Dam! Dam! Gaban Indo ya buga domin kuwa ita yanzu ba yarinya bace da zata kasa gane manufar wannan maganar da Habeeb ke mata tabbas idan ta fahimce sa dai-dai ya Habeeb yana sonta, innalillahi wa'inna'ilaihirraji'un ta maimaita cikin zuciyarta domin kuwa tabbas zargin ta idan ya kasance gaskiya to da wani Ido zata kalli Aunty Hasina, wata Zuciyar ce tace mata, ina bama haka bane ya Habeeb bazai taɓa sonki ba, kawai ya Habeeb yana son yaga kin mayar da hankali ki akan karatun kine shiyasa yace karki kula ko wani Namiji, nasan ya Habeeb bazai taɓa sona ba, domin ni ɗin ba ajinsa bane ƴar ƙauye wacce ta fito cikin ƙauyen ƙayau, bazai taɓa sona ba, kawai so yake yaga rayuwata ta inganta, har yanzu idonta bai gane mata irin zoben daya bata shima akwai a nasa hanun ba, Habeeb ne ya katse mata tunanin ta da cewa.

" Kinyi shiru ƙanwata, baki bani amsa ba."

Rasa me zata cemasa tayi, domin kuwa tana mungun jin kunyar ƙin yarda da buƙatar sa, tana kuma tsoron ta amincewa bukatar sa ya zamo mata matsala daga baya, wani dabara ne ya faɗo mata cikin ranta, kafin tace masa.