Unicode
ထိုကဲ့သို့ အရှက်ရစရာကိစ္စ ဖြစ်သွားပြီးကတည်းက Jungkook ကို ရှောင်နေမိတာဖြစ်သည်။ ကိုယ့်စိတ်ကို မလုံမလဲ ဖြစ်မိတဲ့အတွက်ကြောင့်ရယ်နှင့် ပြောင်းလဲစပြုလာတဲ့ ခံစားချက်တွေကို သတိထားမိတာတွေဟာ အခုလိုရှောင်နေရခြင်းရဲ့ အကြောင်းအရင်း တစ်ခုပင်။ Kim Taehyung ဆိုသည်မှာ ဘဝတစ်လျှောက်လုံး မိန်းကလေးတွေကိုသာ ထည်လဲတွဲခဲ့သူ ဖြစ်ပြီး အခုလိုJungkook အပေါ် ခံစားနေရတာတွေဟာ လတ်တလောမှာ မိန်းကလေးတွေနဲ့ အနေဝေးနေတဲ့အတွက်ကြောင့်ဟု မှတ်ယူကာ Min Yuri ကိုချင်းကပ်ရန် ကြံစည်နေလေတော့သည်။
" လူအကုန်စုံပြီနော် ဒီနေ့လဲ မနေ့ကလိုပဲ သီးသန့်သွားချင်တဲ့သူတွေ သွားလို့ရတယ် ဒါပေမယ့် ဒီနေ့ကိုတော့ စောစောပြန်လာရမယ်နော် မနက်ဖြန်မနက်စော ဆိုးလ်ကို ပြန်မှာမလို့"
ဆရာရဲ့ သတိပေးသံ အဆုံးမှာ ကိုယ့်အပေါင်းအသင်းနဲ့ကိုယ် အသီးသီးထွက်ခွာသွားကြတော့သည်။
"သွားမယ်လေ Taehyung..ဘာငိုင်နေတာလဲ"
မနက်ကတည်းက တက်တက်ကြွကြွမရှိသော ကောင်လေး ။ အခုလဲ ငေးငေးငိုင်ငိုင်ဖြစ်နေသည် ကြည့်ရတာ မနက်က ကိစ္စကို ရှက်နေတာ ဖြစ်မည်ဟု တွေးမိကာ Tae စိတ်သက်သာရာရစေရန်
ဘာမှစိတ်ထဲ မတွေးသလိုပုံစံမျိုးနဲ့ ပုခုံးကို လှမ်းဖက်လိုက်ကာ ပြောလိုက်တော့ အနောက်ကို အသာရုန်းသွားသည်။ Jungkook မျက်နှာတစ်ချက်ပျက်သွားသော်လည်း ချက်ခြင်းပြန်ထိန်းထားလိုက်ကာ ဘာမှ မဖြစ်ဟန် နေလိုက်သည်။
Jungkook အပေါ်မှာ မူမမှန်တဲ့ ခံစားချက်တွေ ရှိနေလို့မဖြစ်သင့်။ ဒီလိုခံစားချက်တွေရှိနေတာဟာ အနေနီးလွန်းတာကြောင့်ဖြစ်မည်ဟု တွေးမိကာ အနေအထိုင်တွေ ဆင်ခြင်ရန် Taehyung စဥ်းစားနေမိသည်။ တွေးမိနေစဥ်မှာပဲ ပုခုံးပေါ်တင်လာသော Jungkook ရဲ့ လက်တစ်ဖက်ကြောင့် Taehyung ရုန်းလိုက်မိသည်။
"ဟိုလေ...Jungkook"
"အင်းပြောလေ...ဘာဖြစ်လို့လဲ"
Taehyung ပြောလာမည့်စကားကို အာရုံစိုက်ကာ နားထောင်နေသည့် Jungkook. ....
"ငါ Min Yuri ကို လိုက်မလို့.....အဲ့ဒါ... "
". ......."
"အဲ့ဒါ....ဒီနေ့ Yuri နဲ့ အတူသွားမယ်လို့ စဥ်းစားထားတယ်"
VOUS LISEZ
FEAR
Roman d'amourJungkook - top Taehyung - bottom အချစ်ထက်ပိုပြီး ပတ်ဝန်းကျင်အမြင်ကို သူဂရုစိုက်ခဲ့တယ်.....ချစ်ရသူရဲ့ နှလုံးသားကို သူကိုယ်တိုင် ချနင်းပြီး သူ့ရဲ့ကြောက်ရွံ့မှုတွေကို ရှေ့တန်းတင်ခဲ့တယ် သေချာပေါက် သူကိုယ်တိုင်ရဲ့ နှလုံးသားကိုလဲ ချနင်းပြီးတော့ပေါ့... လိ...
