FEAR

💜 22

Unicode

ထိုနေ့ပြီးကတည်းက Jeon ကိုမတွေ့ရတော့သည်မှာ နှစ်ပတ်တိတိပင် ရှိပြီဖြစ်သည်။ စာမေးပွဲဖြေသည့်ရက်မှာပင်လျှင် ပေါ်မလာတော့ပါ....
ပျောက်ချင်းမလှပျောက်သွားသည်မှာ Jeon ဆိုသည့်လူသားက သူ့ဘဝထဲမှာ ဘယ်တုန်းကမှ မရှိခဲ့ဖူးသောသူကဲ့သို့ပင်.. ပြီးဆုံးသွားပါပြီဟု မိမိဘက်မှပင် စတင်ကာ ဆုံးဖြတ်ခဲ့သော်လည်း တကယ့်လက်တွေ့မှာတော့ ဆက်သွယ်ချင်စိတ်ကို မနည်းအားတင်းကာ ထိန်းထားရသည်။ ph contact ထဲမှ Jeon ဆိုသော အမည်နာမလေးနဲ့ ph ကို ခေါ်ဆိုရန် စိတ်ကူးမိသည်မှာလဲ အခါခါပင်...Jeon ကတော့ စိတ်နာသွားရော့ထင် တစ်ကြိမ်တစ်ခါလေးတောင်မှ ယောင်လို့ပင် ဆက်သွယ်မလာတော့ပါ အရမ်းလွမ်းနေပါသော်လည်း ဒါဟာ မိမိရွေးခြယ်ခဲ့တဲ့ လမ်းပင် ဖြစ်သည်မလို့ လမ်းဆုံးအထိ ဆက်လျှောက်သွားရပါတော့မည်။

လမ်းခွဲပြီးနောက် ပျော်ရဲ့လားလို့ မေးလျှင် ပျော်နေပါသည်ဟုဖြေခဲ့သည်ရှိသော် ဒါဟာ လိမ်ညာမှုသက်သက်သာဖြစ်သည်။ ငယ်စဥ်ကတည်းက အတူတူရှိခဲ့ပါသော အမြဲအနားမှာ အရိပ်တကြည့်ကြည့်နေခဲ့ပါသော သူ့ကိုမျက်နှာတစ်ချက်အညိုးမခံ အရမ်းချစ်ပါသော ထိုသို့သော လူသားတစ်ယောက် အနားမှာ ရှိမနေတော့သည့်အတွက် အရာရာဟာ အဆင်မပြေလှပါ။ Jeon အနားမှာ ရှိမနေတော့မှသာ သူ့ရဲ့ တန်ဖိုးကိုနားလည်ခဲ့ပြီး
အလွမ်းရဲ့ဒဏ်ကို ခံစားတတ်ခဲ့ရပြီဖြစ်သည်။ 
Jeon ကိုအရမ်းလွမ်းသည့်အခါမျိုးတွင် သတ္တိကြောင်စွာ ထွက်ပြေးခဲ့သည့် သူ့ကိုယ်သူ ပို၍ မုန်းတီးမိခဲ့သည်။

Jeon အနားမှာ မရှိတော့သည့်နောက် အဆင်မပြေမှုတွေက ရက်ဆက်ပင်ဖြစ်သည်။ ဒီအတောအတွင်း Min Yuri က အိမ်ကိုအမြဲလာနေပြီး ဖေဖေနဲ့မေမေကို ကပ်ချွဲနေလေသည်။ အမြဲလိုလို မနက်မိုးလင်းတာနဲ့ အိမ်ကိုရောက်လာပြီး
ညနေမိုးချုပ်မှသာ ပြန်လေ့ရှိသည်။ ဘဝမှာ နောင်တအရဆုံးက ဒီမိန်းမနဲ့ ရင်းနှီးမိခဲ့တာပင်ဖြစ်သည်။ထိုမိန်းမရဲ့ ယခုကဲ့သို့ ကောက်ကျစ်ယုတ်မာတတ်မှုတွေကို စောစီးစွာ မသိခဲ့ရခြင်းမှာ သူ့အမှားသာ.... ဖြူစင်မှုဆိုတဲ့ အဖြူရောင်ခြုံလွှာကို အပေါ်ယံလွှမ်းခြုံထားသော ကောက်ကျစ်ယုတ်မာမှုတွေနဲ့ ပြည့်နှက်နေသည့်မိန်းမပင် ဖြစ်သည်။ ထိုမိန်းမကို အနားမှခွာချရန် နည်းလမ်းမျိုးစုံဖြင့် ကြံစည်ပါသော်လည်း တစ်ခုထဲသော အားနည်းချက်ဖြစ်သည့် "လိင်တူချစ်သူ" ဆိုသည့် စကားဖြင့် အမြဲ အကြပ်ကိုင်လေ့ရှိတာကြောင့် ဘယ်လိုမှ မလှုပ်သာတဲ့ အခြေအနေသို့ ရောက်ရှိခဲ့ရခြင်းပင်ဖြစ်သည်။