FEAR

💜 9

For Unicode

ဝိုင်းဝန်းကာ အားပေးအားမြောက်ပြုနေသံတွေ ကြားထဲမှာပဲ အေးစက်မှုတွေ ထုတ်လွှင့်နေတဲ့ Jungkook ဘေးမှ ထသွားသော Taehyung။
ခြေလှမ်းတွေရဲ့ ဦးတည်ရာက Min Yuri ရှိရာသို့။
တစ်ဖက်မှာလဲ အရှက်သည်းစွာ ခေါင်းငုံ့နေပါသော Min Yuri ။ သွားလိုတဲ့ ပန်းတိုင်သို့ရောက်သောအခါ Min Yuri ရဲ့ဘေးနားကိုထိုင်လိုက်ပြီး
သူမရဲ့ လက်ဖျားလေးတွေကို ကိုင်လိုက်တဲ့ Taehyung ။ ထို့နောက် နှုတ်ခမ်းတွေကို သူမရဲ့ လက်ဖမိုးထက်သို့ ကျရောက်စေလျက်.........

"ဟာ.....နမ်းပါဆို"

"အေးလေကွာ Taehyung လက်ပဲလား"

"အနည်းဆုံးတော့ ပါးလောက်နမ်းမှပေါ့"

အားမရမှုတွေနဲ့ ပြည့်နေသော စကားတွေကို ဆိုလာကြသော ကျောင်းသားတစ်စု။

တစ်ယောက်သော သူကတော့ တိတ်ဆိတ်စွာ တည်ရှိလျက်......Taehyung သူ့ရဲ့နံဘေးမှ ထသွားကတည်းက ဘယ်နေရာကိုမှသူမကြည့်ပဲ အရက်ကိုသာ တစ်ခွက်ပြီး တစ်ခွက် သူသောက်နေတာဖြစ်သည်။ စိတ်ထဲမှာ Taehyung နဲ့ Min Yuri တို့ မည်သို့မည်ပုံ ဖြစ်ပျက်နေမည်ကို သိချင်လွန်းလှပေမယ့် တကယ်တမ်းမှာတော့ ထိုမြင်ကွင်းကို ဘယ်လိုစိတ်မျိုးနဲ့ ကြည့်ရမည်သူမသိ။ဒါကြောင့် ဒေါသတွေကို မြိုသိပ်ကာ ပူပင်မှုတွေ မေ့ပျောက်သွားဖို့ အရက်ကိုသာငုံ့ကာ သောက်နေမိတာဖြစ်သည်။ နောက်ဆုံး လူတွေ ဝိုင်းဝန်းအော်ဟစ်သံကြားမှ Taehyung ထိုကောင်မလေးရဲ့ လက်ဖမိုးကိုပဲ နမ်းခဲ့မှန်းသိခြင်းပင်ဖြစ်သည်။ ဒါပေမယ့်လဲ သူ့ရင်ထဲက အပူတွေက တစ်ဝက်သာလျော့သွားခြင်းပဲဖြစ်ပြီး ဘယ်လိုပဲဖြစ်နေနေ Taehyung နှုတ်ခမ်းနဲ့ ထိကပ်သွားတာပဲမလို့ သူသဝန်တိုပါသည်။

Min Yuri ရဲ့ မျက်နှာပေါ်မှာလဲ လုံးဝ မမျှော်လင့်ထားသည့်ပုံဖြင့် စိတ်ပျက်နေမှုက အထင်းသား ။သူမအနေနှင့်လည်း ပါးလောက်တော့ အနမ်းခံရမည် ထင်မှတ်ထားသည်လေ ။ပါးကိုမှမဟုတ်ပဲ သူမရဲ့ နှုတ်ခမ်းကိုပင် Kim Taehyung သာ နမ်းမည်ဆိုပါက သူမအတွက်တော့ အရှုံးဟုသတ်မှတ်မထား ဒါဟာ Kim Taehyung နဲ့ နီးစပ်ခွင့်ရစေဖို့ အခွင့်အရေး တစ်ခုဖြစ်သွားနိုင်သည်လေ။game မှာကျတဲ့ မဲက ဘုရားသခင်က သူမကို အခွင့်အရေးပေးလိုက်တာပင်။ အခုတော့ လက်ဖမိုးလေး အနမ်းခံရသည်နှင့် ကျေနပ်လိုက်ရတော့မည်လား။ ဟင့်အင်း...သူမ မကျေနပ်နိုင်ပါ သူမ မိသားစုမှာ အခက်အခဲဖြစ်နေသည်။ Kim Taehyung က သူမရဲ့ အားကိုးရာဖြစ်လာနိုင်သည်။သူမရဲ့ အားကိုးရာဖြစ်လာအောင်လဲ သေချာပေါက်လုပ်မည်။ ဒါကြောင့် သူမရဲ့ မျက်နှာထားကို ဖြူစင်ကာ အရှက်ပိုနေဟန် မိန်းမပျိုလေး အသွင် ပြန်ပြီး ပြင်လိုက်တော့သည်။