FEAR

💜 28

Unicode

နေ့ရက်တိုင်းမှာ လွမ်းဆွတ်နေရသူက မျက်စိရှေ့တည့်တည့် ရုတ်တရက်ရောက်လာခဲ့သည်မလို့ သူမလွတ်တမ်းဖက်တွယ်ထားမိသည်။ ပြိုလဲနေတဲ့သူ့ရဲ့ စိတ်ဓာတ်တွေဟာ Jeon သူ့ရဲ့လက်ကို ကိုင်ဆွဲလိုက်တဲ့အချိန်မှာ မျှော်လင့်ချက်လေး တစ်ခုကိုတွေ့လိုက်မိသယောင်လိုပင်...ထိုမျှော်လင့်ချက်လေးကို လုံးဝအဆုံးရှူံးမခံနိုင်တော့သည့်အလား အတင်းဖက်တွယ်ထားမိသည်။ ဖြစ်နိုင်ရင် သူဒီအတိုင်းလေးပဲ ချစ်ရသူရင်ခွင်ထဲမှာ တစ်သက်လုံး နေသွားချင်ပါသည်။ ဒါပေမယ့် ကားထဲမှ ထီးတစ်ချောင်းဆောင်းကာ ထွက်လာသော ထို company ထဲမှ ကောင်ငယ်လေးကို တွေ့လိုက်မိပြီးနောက် သူ့ရဲ့ လက်ရှိအခြေအနေကို နားလည်သွားမိသည်။

ရင်ခွင်ထဲမှ အသာရုန်းထွက်လိုက်ကာ ပျက်ယွင်းနေသော မျက်နှာအနေအထားကို ထိန်းပြီး ခက်ခက်ခဲခဲဖြင့် Jungkook ကို Taehyung ပြုံးပြလိုက်သည်။ အပြုံးလေးတစ်ခုဟု ဆိုသော်လည်း
နွမ်းလျနေသော ဖျော့တော့တော့ အပြုံးလေး တစ်ခုသာ....

"Sorry Jeon. ..ငါ ရုတ်တရက်မလို့...."

Jeon ကတော့သူ့ကို အရင်အတိုင်းမပြောင်းလဲသော အကြည့်လေးများနဲ့ ကြည့်လာပါသည်။ ထိုအကြည့်တွေထဲမှာ နွေးထွေးမှု ၊ လုံးခြုံမှု၊ ကြင်နာမှုများ အပြည့်အဝပါဝင်နေသည်။ မသိစိတ်က ချစ်မြတ်နိုးမှုလေးကော ပါဝင်ဖို့ရာ သူ တိတ်တခိုးလေး ဆုတောင်းမိနေသည်။ ဒါပေမယ့်လဲ သူနဲ့မထိုက်တန်ဘူးလို့ သူကိုယ်တိုင် သိထားသည်မလို့ အသိစိတ်ထဲမှာတော့ မမျှော်လင့်ရဲပါ။ Jeon သူ့ကို ဘယ်လောက်ပဲ ချစ်ခဲ့သည်ဖြစ်ပါစေ အခုလက်ရှိအချိန်မှာတော့ Jeon ဟာ သူမဟုတ်တဲ့အခြားတစ်ယောက်နဲ့ ရှိနေပြီဖြစ်သည်။ သူဟာလဲ Jeon နဲ့အရမ်းနီးစပ်ခဲ့ဖူးသူဖြစ်နေရင်တောင်မှ အခုအချိန်မှာတော့ Jeon မှာ နောက်ထပ်နီးစပ်ရမည့်သူရှိနေလေပြီ...အတိတ်ဟာ အတိတ်မှာပဲ ကျန်ရစ်ခဲ့လေပြီ။ သူသာ မဖန်တီးခဲ့လျှင် ဒီပြသနာတွေဟာ ဖြစ်လာစရာ အကြောင်းမရှိပါ အရာအားလုံးဟာ သူ့အမှားတွေသာ....တည်ငြိမ်နေပြီ ဖြစ်တဲ့ Jeon ရဲ့ဘဝလေးကို ထပ်ပြီး ဒုက္ခမပေးချင်တော့ပေ....

"အကို မိုးတွေသည်းနေတာကို ဘာလို့ရုတ်တရက်ကြီး ပြေးထွက်သွားတာလဲ"