FEAR

💜 19

Unicode

Taehyung လှည့်ထွက်ဖို့ပြင်နေတဲ့ ခြေလှမ်းတွေပင် တုံ့ခနဲ ရပ်သွားကာ Yuri ကို အထိတ်တလန့် လှည့်ကြည့်လာမိသည်။ မျက်ဝန်းတွင်လဲ အံ့သြထိတ်လန့်နေမှုတို့က အထင်းသားပင်။ ခန္ဓာကိုယ်လေးမှာလဲ မသိမသာ တုန်ယင်နေပြီး တစ်စုံတစ်ရာ ပြောရမည်ကို ကြောက်ရွံ့နေသဖွယ် ပြောစရာစကားတို့က လည်ချောင်းထဲမှာ တစ်ဆို့နေသည်။ သို့ပေမယ့်လဲ တုန်ယင်နေမှုကို အသာထိန်းကာ ဘာမှမသိသလို ပုံစံမျိုးဖြင့် ပြန်မေးလိုက်သည်။

"ဘာ...ဘာပြောတာလဲ ဘာလို့ Jungkook နဲ့ဆိုင်ရမှာလဲ ကိုက ဒီအတိုင်း...."

Min Yuri ကမူ Taehyung ကို ခနဲ့တဲ့တဲ့ပြုံးပြလာကာ Taehyung ပြောလာသည့်စကားကို အဆုံးထိ ပြောခွင့်မပေးပဲ စကားဖြတ်ပြောလာသည်။

"ဟိုတစ်နေ့က ကစားကွင်းထဲ နှစ်ယောက်လက်တွဲပြီး ဝင်သွားတာ Yuri မြင်ပြီးပြီ Taehyung "

(အဲ့နေ့က သေချာပေါက် ဘယ်သူမှရှိမနေပါဘူး
Jeon က သေချာစီစဥ်ပေးထားတယ်လို့ ပြောပါတယ် Yuri က ဘယ်လိုကြောင့် သိသွားရတာလဲ
အခု ငါနဲ့ Jungkook အကြောင်းကို သူသိသွားပြီ ငါဘယ်လိုလုပ်ရမလဲ Jungkook ကိုပြောပြလိုက်ရင်ကောင်းမလား ငါတို့ကို ဝိုင်းဝန်းပြီး အပြစ်ပြောဆိုတော့မှာလား ငါဘယ်လိုလုပ်ရမလဲ အခုအခြေအနေကနေ တိမ်ခိုးလေးလို လွှင့်ပျောက်သွားရင် သိပ်ကောင်းမှာပဲ ငါတို့နှစ်ယောက်ရဲ့ ဆက်ဆံရေးကို ဒီလိုလူတွေကို ဝန်ခံဖို့ ငါ အဆင်သင့်မဖြစ်သေးဘူး Jungkook  သာသိသွားရင်တော့သူက မဖြစ်မနေ ဝန်ခံမှာပဲ ငါက...ငါကသာ လူတွေရဲ့ ကဲ့ရဲ့အထင်သေးမှုတွေကို ကြောက်ရွံ့နေတာ ဘယ်လိုပဲဖြစ်ဖြစ် ငါ Jungkook ကိုပြောလို့မဖြစ်သေးဘူး သူက ငါတို့ပက်သက်မှုကို ဝန်ခံမှာငါသိတယ် ငါအဆင်သင့်မဖြစ်သေးဘူး.....)

Min Yuri တစ်ယောက် တစ်ခုခုကို တွေးတောကာ
စိတ်ပူပန်မှုအထင်းသားဖြစ်နေတဲ့ Taehyung မျက်နှာကို သေချာစူးစိုက်ကြည့်နေပြီး နှုတ်ခမ်းထောင့်စွန်းလေးက အပေါ်ကို ကွေးတက်သွားတော့သည်။

"Taehyung သေချာစဥ်းစားနော် လိင်တူကြားက ချစ်ခြင်းက ထင်သလောက်မလွယ်ဘူးပတ်ဝန်းကျင်ရဲ့ အထင်သေး ကဲ့ရဲ့မှုတွေကိုကော ခံနိုင်ရည်ရှိပါ့မလား နောက်ပြီး မိဘ အသိုင်းအဝိုင်းကရော ကြည်ဖြူလက်ခံနိုင်ပါ့မလား ဆန့်ကျင်ဘက်လိင်လောက်တော့ သေချာပေါက်မကောင်းနိုင်ဘူးနော်"