Unicode
ခေါ်သံအဆုံးတွင် တစ်ဖက်လူမှ ဝေခွဲမရသောအကြည့်များဖြင့် လှည့်ကြည့်လာသည်။
"ဦးငယ် ဦးငယ် Kim Namjoon မဟုတ်လား...ကျွန်တော်လေ TaeTae မမှတ်မိဘူးလား"
မှတ်မိကောင်း မှတ်မိသင့်ပါရဲ့ဟူသော မျှော်လင့်ချက်အပြည့်ပါသည့် မျက်ဝန်းများဖြင့် ကြည့်လိုက်သည်။ တစ်ဖက်ကလူမှာ ခဏတာ စဥ်းစားတွေးတော နေပြီးနောက် ပါးချိုင့်များထင်ရှားစွာပေါ်အောင် ပြုံးရယ်လိုက်ပြီး...
"TaeTae ကြည့်စမ်း ထွားလာလိုက်တာ ရုတ်တရက် ငယ်ရုပ်ကို တော်တော်ဖမ်းလိုက်ရတယ်"
"ဟုတ်...ဦးငယ် မတွေ့တာ 5 နှစ်လောက်ရှိပြီမလား"
ထိုသူမှာ ပြုံးရယ်နေရာမှ ရုတ်တရက်မျက်နှာ ညိုးကျကာ ပြောလာသည်။
"အင်း ဟုတ်ပါရဲ့ အိမ်ကဆင်းလာတာ 5 နှစ်တောင်ရှိပြီ"
"မောင်....ဘယ်သူလဲ အသိလား"
"အော်...မိတ်ဆက်ပေးရဦးမယ် Jin hyung သူက
မောင့်ရဲ့ တူ Kim Taehyung ၊ TaeTae ဒါက ဦးငယ်ရဲ့ အမျိုးသား Kim Seokjin"
"ဗျာ!!!!!"
ဦးငယ်၏ မိတ်ဆက်ပေးလာမှုအပေါ် အမှန်တကယ်ပင် ဆွံ့အမိသွားသည်။ ထိုသူနှစ်ယောက်ကို ချစ်သူရည်းစားများဟု မှတ်ယူထားပြီးဖြစ်သော်လဲ လက်ထပ်ကြပြီးသော သူများအဖြစ် လုံးဝ မမျှော်လင့်ထားခဲ့ပါ။ ဒါကြောင့် "အမျိုးသား"ဟု သုံးနှုန်းကာ မိတ်ဆက်ပေးလာမှုကို အထိတ်တလန့်နှင့် အံ့သြမိခြင်းဖြစ်သည်။
ထိုအမျိုးသားနှစ်ယောက်မှာ Taehyung ၏ အထိတ်တလန့် ဖြစ်နေမှုအပေါ် ဘာမှသူတို့အတွက် မထူးဆန်းတော့သည့်နှယ် ရှက်ပြုံးလေးတွေသာ ပြုံးပြလာသည်။
"ဦးငယ်တို့ ဆက်ဆံရေးက TaeTae အတွက် ထူးဆန်းနေလား"
"အာ.....အဲ့ဒါက"
အမှန်တကယ် ဘယ်လိုဖြေရမယ်မှန်းသူမသိပါ
သူကိုယ်တိုင်ကပါ တစ်ချိန်က ထိုသို့ဆက်ဆံရေးမျိုး ရှိခဲ့ဖူးသည်ဟု ဆိုလျင် ဦးငယ်အံ့သြလိမ့်မည်လား....ဒါမှမဟုတ် အချင်းချင်း စာနာကာ နှစ်သိမ့်ပေးမည်လား သူသိချင်လှပါသည်။ ရှူပ်ထွေးနေမှုတွေ မျက်နှာပေါ်မှာ အထင်းသားပေါ်နေသော သူ့ကို ဤကဲ့သို့ အခြေအနေမှ ကယ်တင်ပေးလာသော ဦးငယ်၏ အမျိုးသားဖြစ်သူJin hyung...
VOUS LISEZ
FEAR
Roman d'amourJungkook - top Taehyung - bottom အချစ်ထက်ပိုပြီး ပတ်ဝန်းကျင်အမြင်ကို သူဂရုစိုက်ခဲ့တယ်.....ချစ်ရသူရဲ့ နှလုံးသားကို သူကိုယ်တိုင် ချနင်းပြီး သူ့ရဲ့ကြောက်ရွံ့မှုတွေကို ရှေ့တန်းတင်ခဲ့တယ် သေချာပေါက် သူကိုယ်တိုင်ရဲ့ နှလုံးသားကိုလဲ ချနင်းပြီးတော့ပေါ့... လိ...
