FEAR

💜 15

For Unicode

"ကားပေါ်တက်ကြတော့ ထိုင်ချင်တဲ့သူနဲ့ထိုင်ကြ
ကားပေါ်ရောက်ရင် လူပြန်စစ်မယ်"

ဂျယ်ဂျူမှာ လေ့လာရေး ပြီးဆုံးသွား၍ ဆိုးလ်ကို ပြန်ကြတော့မှာဖြစ်သည်။ ဒါကြောင့်လဲ တာဝန်ရှိတဲ့ ဆရာတွေက အမှားအယွင်းမဖြစ်ရလေအောင် စီစဥ်နေခြင်းပင်ဖြစ်သည်။

Jungkook ရဲ့နောက်မှာ Taehyung ကပ်ကာပါလာပြီး နှစ်ယောက်အတူ ကားပေါ်တက်လာကြသည်။ ထို့နောက် ကားရဲ့အလယ်လောက်မှာရှိတဲ့ ထိုင်ခုံနှစ်ခုံဆီသို့ Jungkook ဦးတည်သွားလိုက်သည်။

ကားရဲ့ရှေ့နားက ခုံမှာ Min Yuri ထိုင်နေသည်ကို Jungkook မြင်လိုက်တဲ့ခဏမှာ မနေ့ညက Tae နဲ့အတူတွဲလာသည့် မြင်ကွင်းကို ပြန်မြင်မိပြီး အံကိုတင်းတင်းကြိတ်လိုက်မိသည်။ ဒါပေမယ့်လည်း အခုအချိန်မှာ Tae က သူ့လူဖြစ်နေပြီဆိုတဲ့ အတွေးကို တွေးလိုက်မိပြန်တော့ နှုတ်ခမ်းထောင့်စွန်းလေး အပေါ်ကိုကွေးတက်သွားပြီး ထိုမိန်းမကို ဂရုမစိုက်တော့ပဲ ဖြတ်လျှောက်လာလိုက်သည်။

"Taehyung.... "

ရုတ်တရက် Tae နာမည်ခေါ်သံကြားလိုက်၍ လှည့်ကြည့်လိုက်တော့ ထိုမိန်းမ Min Yuri ပင်.... Tae ကလဲ နောက်မှာကျန်ခဲ့ပြီး ထိုမိန်းမကို စကားပြန်ဖြေနေသည်။ အရင်ကလဲသဝန်တိုသည် အခုပို၍တောင် သဝန်တိုသေးသည်။ ဒီကောင်လေးက
ရည်းစားတွေ တစ်ယောက်ပြီးတစ်ယောက်သာ ထားပေမယ့် ဘယ်လောက်အထိ အယုံသွင်းလွယ်
လှည့်စားလွယ်တယ် ဆိုတာ အသိဆုံးပင်။ ကိုယ့်ရဲ့ ချစ်သူဖြစ်လာပေမယ့် တခြားမိန်းမတစ်ယောက်နဲ့ စကားပြောနေသည်ကို မြင်ရလေတော့
ဒေါသထောင်းခနဲထွက်ကာ ခြေလှမ်းတွေက ထိုလူသားလေးဆီသို့...

"ဟင် Yuri ပြောလေ"

"ဟိုလေ...Yuri ပြောစရာရှိလို့ အဲ့ဒါ.. Yuri နဲ့အတူလာထိုင်ပါလားလို့"

"ဟုတ်လား ရ....အ"

စကားပင်မဆုံးသေး လက်ကောက်ဝတ်ဆီမှ နာကြင်မှုကို ခံစားလိုက်ရပြီး ကြည့်လိုက်တော့ လက်ကောက်ဝတ်ကို ဖြစ်ညစ်ကာ ဆုပ်ကိုင်ထားသော Jungkook ရဲ့ လက်...

"မထိုင်ရဘူး ငါလဲ ပြောစရာရှိတယ် Kim Taehyung မင်း လိုက်ခဲ့"

Yuri ကို ဘာမှမပြောလိုက်ရသေးခင်မှာပင် Jungkook ရဲ့ အကြမ်းပတမ်းဆွဲခေါ်ရာနောက်ကို ပါသွားရသည်။ကားပေါ်က လွတ်နေသော ခုံနှစ်ခုံဆီရောက်မှ လက်ကိုလွှတ်ပေးကာ သူကအရင် ခုံတစ်ခုံဆီသို့ ဝင်ထိုင်နေပြီး မိမိဆီကို အကြည့်လေးတစ်ချက်တောင် ကြည့်မလာပါသော Jungkook. ..... ကားပေါ်က ကျောင်းသား ကျောင်းသူတွေက သူတို့အချင်းချင်း စနောက်ပြောဆိုနေကြသည်မလို့ ဒီအဖြစ်အပျက်ကို မမြင်လိုက်ကြပေ။ တခြားသူတွေ သတိမထားမိတာ သေချာမှ Taehyung သက်ပြင်းသာသာ ချမိကာ Jungkook ဘေးက ကျန်တဲ့ခုံအလွတ်မှာ ဝင်ထိုင်လိုက်သည်။Yuri ကိုတော့ နောက်မှ တောင်းပန်ရမည်ဟု စိတ်ထဲ တွေးလိုက်မိသည်။ အဲ့ဒီကိစ္စက ထားပါတော့ မိမိကို Jungkook အခုလိုမျိုး ဘာကြောင့် ဆွဲခေါ်လာရသနည်း။ Jungkook ကိုကြည့်လိုက်ပြန်တော့လည်း ကားမှန်မှတဆင့် အဝေးကိုကြည့်နေသည်။ ဒါကြောင့် ဒေါသထွက်လာကာ