FEAR

💜 25

Unicode

ကိုယ့်ရဲ့ခံယူချက် အစစ်အမှန်ကို ဖွင့်ဟဝန်ခံပြီးတဲ့နောက်မှာ မိဘတွေနဲ့ ဆက်ဆံရေးဟာလဲ ပြောင်းလဲသွားခဲ့ရသည်။ မျက်နှာချင်းဆိုင်လိုက်မိတာနဲ့ ဖေဖေက ချက်ချင်းရှောင်ထွက်သွားပြီး
မေမေကတော့ မျက်ရည်ဝေ့ကာဝဲကာဖြင့် ရွေးခြယ်ထားတဲ့လမ်းဟာ မှားယွင်းနေပေမယ့် အချိန်မှီ ပြန်လည်ပြင်ဆင်နိုင်သေးကြောင်း နားချရှာသည်။ တစ်ခါ သတ္တိကြောင်ပြီး ထွက်ပြေးခဲ့ဖူး၍ အရမ်းနာကြင်ခဲ့ရပြီးပြီဖြစ်သည်။ ဒါကြောင့် အခုတစ်ကြိမ်မှာတော့ ဘယ်သူတွေလာပြီးနားချပါစေ သူ့ရဲ့ ဆုံးဖြတ်ချက်တွေကို ပြန်လည်ပြင်ဆင်ပြီး နောက်ဆုတ်လိမ့်မည်မဟုတ်ပါ။
လိင်တူချစ်မိခြင်းသည် အပြစ်မဟုတ်ကြောင်း ၊
ချစ်ခြင်းမှာ လိင်သတ်မှတ်ချက်တွေဟာ အရေးမပါကြောင်း ၊ လိင်တူချစ်သူတွေသည်လည်း လူသားတွေထဲက လူသားတွေပင်ဖြစ်ကြောင်းကို သူနောက်ကျမှ သိရှိနားလည်ခွင့်ရခဲ့သည်။ သူ့ရဲ့ မိဘတွေသည်လဲ သူနားလည်ခဲ့သလိုမျိုး တစ်နေ့နေ့မှာ နားလည်လက်ခံလာပေးမယ်လို့ မျှော်လင့်ထားမိသည်။

ဒီရက်တွေအတွင်းမှာ သူ Jeon ကို ဆက်တိုက် နည်းအမျိုးမျိုးဆက်သွယ်ပါသော်လည်း လုံးဝအဆက်အသွယ်မရပေ။ သူ့ဘက်က phဆက်သော်လည်း စက်ပိတ်ထားသည်ချည်းသာ ပြောနေပြီး mail ပို့သော်လည်း ဘာပြန်စာမှ ရောက်မလာပါ....ကြည့်ရသည်မှာ ph no.  ပြောင်းသွားပြီး
mail ကိုလဲ မစစ်ကြည့်တာပင် ဖြစ်မည်။ ထိုကဲ့သို့ အဆက်အသွယ်မရလေလေ Jeon သူ့ကို လုံးဝခွင့်မလွှတ်နိုင်လောက်တော့ဘူးလား ဆိုသည့် စိုးရိမ်စိတ်က ကြီးလာလေလေဖြစ်နေသည်။ Jeon ရဲ့မေမေကို အကျိုးအကြောင်းပြောပြီး Jeon ကိုဆက်သွယ်လို့ရနိုင်မယ့် နည်းလမ်းကို မေးလို့ရသော်လည်း Jeon နဲ့ သူရဲ့ ပြသနာကို သိမသိ မသေချာသောကြောင့် အလကားသက်သက် စိတ်ပူရစေမည့် အဖြစ်မျိုးကို မဖြစ်စေချင်ပါ။ London,United Kingdom မှာ Jeon တို့မိသားစုပိုင် company ခွဲ တစ်ခုရှိသေးကြောင်း ငယ်စဥ်ကတည်းက သိထားခဲ့၍ Jeon ရှိမည့်နေရာကိုတော့ သူသေချာပေါက်သိပါသည်။ သူ့အတွက်အခု Visa ကျလာဖို့နှင့် အရှုပ်ထုပ်တွေကို အကုန်ရှင်းလင်းသွားစေရန် Min Yuri အကြောင်းစုံစမ်းခိုင်းထားသမျှ အကုန်သိရှိစေရန်တို့သာ လိုအပ်တော့သည်။ ထိုကိစ္စရပ်တွေ ရှင်းလင်းပြီးသွားသည်နှင့်တစ်ပြိုင်နက် သူ Jeon နောက်ကို လိုက်သွားလို့ရပြီဖြစ်သည်။