FEAR

💜14

Unicode

Taehyung ကြားလိုက်ရတဲ့စကားကြောင့် သူ့နားကိုသူပင် မယုံနိုင်ဖြစ်သွားရသည်။ အခုလေးတင်
Jungkook ပြောလိုက်တဲ့စကားက သူ့ကို စိတ်ဝင်စားနေသည်တဲ့လား...တကယ်ကြီးကြားလိုက်ရခြင်းဖြစ်သည်လေ။Jungkook ကလဲ သူ့အပေါ်စိတ်ဝင်စားနေပါသည်တဲ့ ဒီခံစားချက်တွေက သူတစ်ယောက်ထဲ ရှိနေခြင်းမဟုတ်ဘဲ
Jungkook ကပါရှိနေသည်တဲ့လေ......သူ ဝမ်းသာလွန်ကာ မျက်ဝန်းထဲ မျက်ရည်များဝေ့လာတော့သည်

"မင်း....မင်း...Jungkook "

Taehyung ဘာဆက်ပြောရမည် မသိတော့ Jungkook ကကော ဘယ်အချိန် ကတည်းက စိတ်ဝင်စားနေတာလဲ.....ဘယ်လိုပဲနေနေ Jungkook အပေါ်ခံစားချက်ရှိနေသည်လို့ သူ့ကိုယ်သူ သတိထားမိတဲ့အချိန်တုန်းက ဒီခံစားချက်ကို လက်မခံရဲဘဲ သူရှောင်ပုန်းဖို့ကြိုးစားခဲ့သေးသည်လေ အခု Jungkook ဘက်က သူ့ကိုစတင်ပြီး ဝန်ခံလာနေသည်။ သူဝန်မခံရဲခဲ့တဲ့ အရာကို Jungkook က ဝန်ခံရဲသည့် သတ္တိရှိသည်။ သူ့ဘက်ကလဲ ခံစားချက်ရှိနေသည်မလို့
ဒီအခွင့်အရေးကို လုံးဝ လက်လွှတ်မခံသင့်.....

ခံစားချက်တွေကို ဖုံးကွယ်မထားနိုင်သည့်အဆုံး
ပေါက်ကွဲထွက်ကာ နောက်ဆုံးမှာ ဝန်ခံခဲ့မိသည်။
လုံးဝလန့်သွားသည်ထင်သည်....အခုချိန်အထိ
ကြောင်တောင်တောင်လေး ဖြစ်နေသေးသော
Tae လေး.... ဝန်ခံလိုက်မိတာ မှားများမှားသွားပြီလား ချစ်ရတဲ့သူလေးရဲ့နံဘေးက သူငယ်ချင်းဆိုတဲ့ ဖြစ်တည်မှုလေးပါ ပျောက်ကွယ်သွားတော့မှာလား Tae ကသူ့ကို ရွံမုန်းသွားရင် ဘယ်လိုလုပ်မလဲ......

အတွေးပေါင်းမြောက်များစွာတွေးကာ Jungkook စိတ်ပူပန်နေမှုက Level အမြင့်ဆုံးရောက်ရှိနေပြီ ဖြစ်သည်။ မျက်နှာချင်းဆိုင်က
ကောင်လေးရဲ့ မျက်ဝန်းညိုတွေကို ကြည့်မိတော့
မျက်ဝန်းထဲမှာ အရည်ကြည်လေးတွေ ဝေ့လို့နေသည်။ သွားပြီ....သူ ဝန်ခံလိုက်မိတာ သိပ်မှားသွားပြီ....Tae သူ့ကို တကယ်မုန်းသွားပြီထင်တယ်။ ဖြစ်နိုင်တာပေါ့ ယောကျ်ားတစ်ယောက်က
တခြားယောကျ်ားတစ်ယောက်ရဲ့ ခံစားချက်တွေကို ဝန်ခံခြင်းခံရတယ်ဆိုတော့ သူ့သိက္ခာတွေကို ချနင်းသလို ခံစားရလို့နေမှာပေါ့။ Tae ဒေါသထွက်ကာ မျက်ရည်များပင်လည်နေပြီ...ငါ့ကြောင့်...ငါ့ကြောင့်