FEAR

💜 21

Unicode

ဆောင့်တွန်းလိုက်သည့်အရှိန်ဖြင့် ကုတင်ပေါ်တွင် ပက်လက်ကလေး လဲကျသွားလေသည်။ ပြန်ထလာတော့မည့် Taehyung အပေါ် အလျင်အမြန်အုပ်မိုးလိုက်ပြီး ကိုယ်ပေါ်ကို ခွလိုက်သည် ထို့နောက် Taehyung ရဲ့လက်နှစ်ဖက်ကို ခေါင်းထိပ်၌ စုစည်းကာ သူ၏ လက်တစ်ဖက်ထဲဖြင့် ချုပ်ကိုင်ထားလိုက်တော့သည်။ အနှီမိန်းမ နဲ့ Taehyung ရဲ့ ဆက်ဆံရေးကို တွေးရင်းတွေးရင်းမှာပင် ရင်ထဲ၌ တနုံ့နုံ့ဖြင့် ဒေါသတို့အပြင် မနာလိုဝန်တိုမှုတွေပါ ပေါ်ပေါက်လာပြီး Taehyung ရဲ့ ပါးနှစ်ဖက်ကို သူ၏ကျန်တဲ့ လက်တစ်ဖက်ဖြင့်ဖိညှစ်လိုက်ကာ....

"ရှင်းစမ်း Kim Taehyung !!!! မင်းဘယ်လိုတွေ သောက်ဇယားရှူပ်ထားတာလဲ"

မျက်ဝန်းများမှာ နီရဲနေပြီး သတ်ဖြတ်လိုသော အရိပ်အယောင်တို့ကိုလဲ တစ်စွန်းတစ်စ မြင်တွေ့နေရသည်။ Jungkook က သူ့အပေါ် အမြဲတမ်း ကြင်ကြင်နာနာဆက်ဆံတတ်ပြီး ယခုကဲ့သို့ ဒေါသထွက်နေသည်မျိုးကို တစ်ခါမှမမြင်ဖူးခဲ့ပါ
ဖြစ်ညှစ်ခံထားရသည့် ပါးနှစ်ဖက်ဆီမှလဲ နာကြင်မှုကို ခံစားလာရပြီး Jungkook ၏အရမ်းဒေါသထွက်နေသည့် အမူအယာကြောင့် ရင်ထဲမှာ ကြောက်စိတ်တို့ အနည်းငယ်ကိန်းအောင်းလာမိသည်။ သူ့အထင် ဒီပက်သက်မှုက မှားယွင်းနေသည်မလို့ နှစ်ဦးနှစ်ဖက် ညှိနှိုင်းကာ အဆင်ပြေပြေလေးပဲ နောက်ဆုတ်ကြဖို့ကို အလိုရှိခြင်းဖြစ်သည်။ Jungkook ကိုချစ်ပေမယ့် ပတ်ဝန်းကျင်ရဲ့ ရိုက်ခတ်မှုဒဏ်တွေကို ရင်မဆိုင်ရဲတာကြောင့် နောက်ဆုတ်ဖို့လမ်းကို ရင်နာနာနဲ့ ရွေးခြယ်ခဲ့ရခြင်းပင်။ Jungkook သူ့အပေါ်အရမ်းချစ်တာကိုလဲ သူသိထားပေမယ့် အချိန်မှီနောက်ဆုတ်လိုက်ခြင်းက သူတို့နှစ်ယောက်လုံးအတွက် အကောင်းဆုံးပင်ဖြစ်ပေလိမ့်မည်။ Jungkook အတွက်အရမ်းခက်ခဲလိမ့်မည်ကို စာနာမိကာ မသိလိုက်ခင်မှာပင် မျက်ဝန်းထဲမှာ မျက်ရည်တို့ အိုင်ထွန်းလာတော့သည်။

ဒီလောက်အထိ ချစ်ပေးတာကို မလုံလောက်ပဲ နောက်ထပ်မိန်းမတစ်ယောက်နဲ့ ပျော်ပါးချင်နေသေးသော ထိုကောင်လေးအပေါ် သူတစ်ကယ်ကို ဒေါသတို့ထွက်မိပါသည်။
ဒေါသတို့ အထွဋ်အထိပ်ရောက်နေသောကြောင့်
Taehyung ဘယ်လိုအနေအထားဖြစ်နေမည်ကို သူသတိမထားမိ....