فرس العباس وقصة عشقها
،،،،،،،،،،،،،،،
صافنة الشكرة شيدور ابالها
عاشكة العباس جي خيالها
.....................
.................
تغازل العباس من تصهل اله
مسح ركبتها وتحس امدللة
شد سرج حيلة عليها وعدله
تبخترت و الخيل كلها كبالها
..............
عاشكة وهم جانت تغار او تحس
وجان تزعل لو وكفله يم فرس
تطخ راس عنانها يضيك النفس
عباس يعرف لو تغير حالها
..............
يجي يمها والشعرها ايلاعبة
وجان ما تحمل زعل وتصاحبة
لو ضحك عباس اترد شابة
يرضيها من يعدل ابجفة ايلالها
..............
كض رسنها وعاين اعله عيونها
شبيها زعلانة مهرتي شلونها
شاورهه عباس او تغير لونها
تبجي يا وسفة الاصيلة اشمالها
.......................
كضت وي عباس احلى ايامها
وجان هوه الفارس البحلامها
تبتسم لو جفة شد الجامها
وجنها حست بالهجر يدنالها
.......................
تصهل وتفتر على خيام الستر
وراحت المهر الحسين ابهل ضهر
العشك جمرة ونارها خيط الهجر
العاشكة مثلي الهجر جتالها
👑👑👑👑👑👑👑👑👑
