, القصائد كاملات مع الهوسات
يا ظيم التحملينه زينب لو وصلتي الشام
❥❥ـــــــــــــ❁❂❁ـــــــــــــ❥❥
ظيم يزيد والجلسه
فكد اخوانج الخمسه
كلبج يا كمر ينسه
شاف اشكال تدرينه
❥❥ـــــــــــــ❁❂❁ـــــــــــــ❥❥
كلبي شاف ظيم اشكال
وانتي مرافگة الچتال
بيدج يالعقيله احبال
ابو فاضل تندبينه
❥❥ـــــــــــــ❁❂❁ـــــــــــــ❥❥
تريدين البطل هيبه
من الموت شيجيبه
خيج غاب هل غيبه
ما يدري تحشمينه
❥❥ـــــــــــــ❁❂❁ـــــــــــــ❥❥
ما يسمع ولا يدري
اصيحين انكسر ظهري
على حسين الدمع يجري
بس رأسه تشوفينه
❥❥ـــــــــــــ❁❂❁ـــــــــــــ❥❥
راح وياج رأس حسين
بس يشوفج تونين
يا زينب تهل العين
دم يسيل من عينه
❥❥ـــــــــــــ❁❂❁ـــــــــــــ❥❥
فزاعية مع هوسات للامام العباس ع
تلوك على الكفل زينب تهوسيلة
حزام الحزن عباس شديلة
❥❥ـــــــــــــ❁❂❁ـــــــــــــ❥❥
تلوك على البطل لطمة حماسية
عازي ام البنين تريد تعزية
اولزهرة اجت والعين معمية
(ياهو الهوس بي البيرغ والحد)
❥❥ـــــــــــــ❁❂❁ـــــــــــــ❥❥
هوسي للشجاع وسعي ميدانة
سبع ونزل بين عدوانة
ضل يصيح بالميدان هذا انة
(ياهيبة وصلتنة علومك )
❥❥ـــــــــــــ❁❂❁ـــــــــــــ❥❥
جيبي بيرغج هوسي لبو الغيرة
يا هيبة خواتة خلي تجبيرة
غدار الدهر ضيع تدابيرة
(مجربينة شيال الكلفة )
❥❥ـــــــــــــ❁❂❁ـــــــــــــ❥❥
يحلالة اللطم والنووح والونة
تعنة للفرات وما شرب منة
يستاهل الهوسة هذا المجنة
(بجفينة كضت هل خوة)
❥❥ـــــــــــــ❁❂❁ـــــــــــــ❥❥
فزاعية حماسيه مع هوسات للامام العباس ع
هلا بعباس بالملعب لعب جولة
دخيلك يا بطل سجدو وكلوله
❥❥ـــــــــــــ❁❂❁ـــــــــــــ❥❥
هلا بعباس ماكدور يلاكونه
يمخوف الرجال بصدت عيونه
ماخذ شمرت الكرار وفنونه
(يهلال النيبه محلي الملعب)
❥❥ـــــــــــــ❁❂❁ـــــــــــــ❥❥
ما همه العساكر من دخل ليهه
كلبها اليوم ساترها على هاليهه
ارتجت كربله وراجت بهاليهه
(من عمه وخاله ماخذ شمرة)
❥❥ـــــــــــــ❁❂❁ـــــــــــــ❥❥
يشبه حيدرة بكلماته وأفعاله
راعي الزود والهدات تحلاله
يذبح كام بيدة وسيفه جتاله
(بالحومه يذبح ويطشر)
❥❥ـــــــــــــ❁❂❁ـــــــــــــ❥❥
ياهو الكابله والكابله شحدة
سبع عباس كام وهدته هدة
حتى الخوف خوفه وكاعد بسدة
(طب عباس وهوس بيه الملعب المغيم)
❥❥ـــــــــــــ❁❂❁ـــــــــــــ❥❥
الهوسات حماسيه للامام العباس ع
قائد يا سبع والزود يحلاله
يوم الطب صكر محد تدناله
يخوف لو زعل والسيف لو شاله
ما هاب العساكر ياهو المزعله
والعايل عليه اليوم وين اهله
سبع حتى الملاعب لويطب تحله
(أنه دخيله خيرهم صاح )
❥❥ـــــــــــــ❁❂❁ـــــــــــــ❥❥
ماخذ شمرة الكرار وفنونه
شما زادت عساكر ما يهمونه
فنهم لو اجوا فنهم يلاكونه
لو يزعل بعد لا جيش لا جيمه
سواها غنم منثورة بالهيمه
هذا ربات حيدر راعي الشيمه
(ابنج خله الطف سبحه يسبح بيه)
❥❥ـــــــــــــ❁❂❁ـــــــــــــ❥❥
الف رحمة على ابوها الجابت العباس
جابت حيد وية الزلم ما ينقاس
ناطور الحرب وللراية دك الساس
الك منبع الغيرة وعودك مسميك
وكل صفات حيدر هم تلوك عليك
حيرت الخلك عباس كلها تسولف بطاريك
(وبيه العيالةالملعب يحلى)
❥❥ـــــــــــــ❁❂❁ـــــــــــــ❥❥
طب عباس للميدان ودخلت كل امية انذار
كالووو بطفوف اليوم يمكن راجع الكرار
بس طبرة ويطير الرأس والمثلة ابد ماصار
عندة جفوف ماواحد يلاويها
كال الروح هاي الروح بس لحسين اضحيها
ولا تحلةالمراجل بس لهاليها
(خل يتمركز بيه افتحله الملعب)
❥❥ـــــــــــــ❁❂❁ـــــــــــــ❥❥
اذا كثرت همومك والهموم ثكال
تعنه لبو فاضل والشدد تنزال
كله سيدي ماكو راحة بال
(يكظيها عباس يحلها)
